شريت تاب اس ١٠ الترا ٥١٢ قيقا بـ ٢٦٧٣ ريال

[A3Z1]

اليوم خلصت الطوابع مدري وش يسمونها حقت برنامج سامسونج باي المهم جاني خصم ٢٠% وانا عندي نقاط بقيمه ٥٩٦ الموضوع ان المفروض اذا حطيت القسيمه تخصم لي ٢٠% لكن فجاة خصمت لي حوالي ٣٩% كان الجهاز سعره ٥٢٩٩ اصبح بعد القسمه او كوبون الخصم ٣٢٣٣ ريال تقريبا صدمني المبلغ وخلاني اشتري علطول طبعا بعد خصم نقاطي من المبلغ يطلع ٢٦٧٣ السؤال هنا هل راح اندم ؟

 لاني مو مقتنع بمعالج التاب هذا اللي هو ميديا تيك ٩٣٠٠+ خاصه ان الجديد منه نزل اللي هو ٩٤٠٠ و فيه اجهزه تستخدمه استغربت من سامسونج انها نزلت التابلت بالمعالج هذا اللي يعتبر قديم شوي لكن السعر خلاني ما انتظر ابد وش رأيكم هل قرار الشراء كان موفق او لو انتظرت للمعالج الاقوى كان احسن ؟

[alJ0ker]

وش وضع الطوابع ذي والنقاط وين نلقاها

[A3Z1]

في برنامج wallet عند قسم القسائم كان فيه زي المسابقه اذا استخدمت تطبيقهم للدفع تسع مرات كل يوم يحسبون لك طابع واحد واذا جمعت ٩ طوابع يعطونك كود خصم ٢٠% اتوقع مده المسابقه تخلص اليوم او بكرا امس كملتها واخذت الكود

[ibarakat]

بالعكس الصفقة تستاهل 🔥

[ABDULKARIM8]

حتى انا متردد اشتريه بسبب المعالج عطنا رايك اذا جربته

[A3Z1]

ان شاء الله اول ما يوصل

[A3Z1]

وصل التاب والله انه شيء جميل جدا وخرافي جربت عليه كل الالعاب الثقيله وخاصه wuthering waves وما شاء الله اللعب بدون تقطيع واللعب سلس و جربت عليه goodnote ممتع جدا وحجم الشاشة شيء خرافي تفتح ٣ تطبيقات بالشاشة ولا تحس باي زحمه والمعالج قوي جدا ما لاحظت اي تعليق ولا اي شيء والحرارة من كبر التاب ما تحس فيها انصح اي احد فيه الصدق

[ABDULKARIM8]

شكرا على مشاركة تجربتك اذا تقدر جرب carx street هي اثقل لعبه حاليا تقدر تجربها عندي S23ultra مع الوقت يسخن ويقل الاداء اول مافتحها تكون سلسه ف عطنا تجربتك فيها اذا ماعليك امر 🤍

[MohammedAlfisal]

للاسف الخصم على منتجات محددة فقط مش كل منتجات سامسونج

[A3Z1]

صحيح جربته على s25 ultra ما ضبط