سامسونج A20

[ahmedtousson]

ياجماعه انا دلوقتي عندي مشكله انا جالي ابديت بتاع one Ui 3 الجديد علي موبيلي سامسونج a20 وبعد مانزلته الموبيل رستر ومرضاش يفتح رحت وديته الشركه عملولي سوفت وير جديد ورجعهولي للسوفت القديم حد حصل معاه المشكله دي؟؟

[iPro]

وارد انها تحصل عادي، كنت ممكن تحلها ببساطة من غير توكيل ب زرار الباور مع رفع الصوت
ولو بتسأل تعمل التحديث تاني ولا لأ، ف اعمله عادي مفهوش مشكلة صعب انها تحصل معاك تاني

[ahmedtousson]

والله هوا التحديث جالي تاني اساسا ومش راضي انزله ممكن بعد العيد ارحلهم التوكيل هوا جمب البيت عندي اساسا اخليهم هما ينزلوه بدل ميمسحوا الحاجه الي علي الموبيل تاني

[iPro]

مش مستاهلة توكيل دة تحديث عادي والمشكلة اللي حصلت معاك دي حاجة عادية جدا، دة غير ان التوكيل مش هيعملك تحديث هوائي دة هينزلك السوفتوير يدوي لو متوفر عنده ف بردو هيمسحلك الداتا 😏

[Amira-elnagar]

مساء الخيرahmedtousson مع حضرتك اميرة من سامسونج مصر

بنشكرك جدا على مشاركتك معانا وبنتمنى لحضرتك يوم سعيد

بنعتذرلك جدا علي مشكلة اللي واجهت حضرتك 

بالنسبة لتحديث اندرويد 11 لجهاز a20

جالاكسي A20( يتم الاستعداد لأطلاقه في اغسطس 2021)

والتحديث بيعالج مشكال كتير ابرزها

 1-أداء البصمة بيكون افضل

2-تسجيل البصمة بيكون بدون مشاكل

3-الكاميرا أدائها بيكون أفضلٍ

4-وأخيرا تحسن ملحوظ في أداء البطارية

أستأذن حضرتك فى تفعيل التحديث التلقائى وبمجرد صدوره على الاجهزه هيتم تحميله 

ولو عند حضرتك أى استفسار أخر

موجودين تحت أمرك وفى خدمتك فى أى وقت

شكرا لحضرتك و لوقتك