مميزات ( في عالم الخيال ) اتمنى توفرها

[أبوطلال-]

السلام عليكم ورحمة الله وبركاته

هذي مميزات اتمنى توفرها بجهاز سامسونج 

بدون اضافة اي قطع خارجيه او تطبيقات خارجيه.

ربما بعضها غريب او صعب او مستحيل او غير واقعي

يمكن يوم من الايام يتحققن.

Thermal Sensore [1]

[حساس حراري للكمرات ]

اتمنى اضافة الخاصية هذي بالكمرات

علما انه الان فيه جوالات صينيه ب Ali express فيها المميزات هذي .

2-fast charging mode 

الشحن السريع( الفعلي)

مع تطور الحياة وسرعة الاشغال المفترض فيه شاحن يشحن لك ب ١٥ دقيقه فل واذا زاد عن ١٥ دقيقه ما اعتبره شحن سريع.

3- programmed call & answer

اتصال واجابة ذاتي 

ابي بوقت انا احدده يتصل على رقم معين ويعطيه رساله معينه ويخزن جوابه وينقله الى نص ويتعرف عليه ويرد عليه من اجوبة مخزنه ذاتيه على ماتم ترجمته الى نص من كلام المتصل .

4- Car pairing enhancemen

اقتران فعال من السياره

السيارات الحديثه اغلبها فيه دعم لنظام الاندرويد

المفترض اني من جهازي استطيع على الاقل تشخيص المشاكل في السياره على الاقل البرمجيه منها *بدون قطع خارجية* والمفترض ان جهازي ينقل ملفاتي الشخصية للسياره ويبرمجها لي على مزاجي من تشغيل المكيف والمسجل والخرائط وتوفير الوقود ومشاركة الموقع. 

5- medical diagnostic tools

أدوات التشخيص الطبي 

حاليا يوجد حساسات في بعض الساعات تستطيع قياس جلوكوز الدم والنبض والضغط والحراره( نجاح جزئي لبعض الاجهزه مثبت علميا حتى الان )

المفترض على الاقل يكون فيه حساس مخفي زي البصمه يقيس العلامات هذي ويرصد التغيرات وينبه عليها .

6- Camera enhancement

تطوير الكاميرا

كثرة الكمرات بالجهاز ممله

المفروض كمره وحده فيها كل الخصائص هذي .

7- Smart auto pointer

حساس التنقل الذكي 

ابي من حركة عدسة العين يحرك مؤشر الجوال على الشاشه واذا غمضت يعتبر انها نقرة .

8 - smell sensor

حساس للرائحة 

ابي اذا بخيت عطر يطلع لي اسمه من ريحته زي مايطلع لك الاغنيه من صوتها 

ويستفاد من هذا اشياء كثير 

من علامات حيوية وتشخيص ذاتي .

9 - climate sensor

حساس للطقس 

يقيس لي الحراره ( المحسوسة ) 

ونسبة الاوكسجين والكربون او الملوثات البيئيه والرطوبة.

اللي تشوف انه غريب او مستحيل راح يكون شعورك زي شعور اثنين في عام ١٩٩٧ يتناقشون عن امكانية التصوير من جوال

[Ahmed1415]

الشحن السريع كذبوا علينا في s23 ultra قالو 45 واط يجلس ساعه عشان يصير فل معي جوال ريلمي 50واط نص ساعه فل وقديم شريته ف 2020 حطم معنوياتي ف الشحن الجوالات الصينيه متقدمه 💔

[أبوطلال-]

كلمة سريع المفترض تعني ١٥ دقيقه لو اقل
اذا زاد محس بتفرق كثير

[SalehHm]

مفعل خيار الشحن السريع جدا من ضبط البطاريه ؟؟؟؟؟!!!!!!

[Ahmed1415]

نعم ويجلس ساعه وعليها دقايق وكان املك ريلمي X2 pro وشوف الجهاز ف اليوتيوب شحن سريع 50 واط 30 دقيقه فل

[SalehHm]

الشاحن الي تستخدمه تبع سامسونج ؟ الي بمنفذ type C الى type C ؟؟؟!!

[Ahmed1415]

نعم

[SalehHm]

ريلمي ما احترامي شحن سريع بدون ما يحافظ على البطاريه يعني بالمختصر يخرب البطاريه الاجهزه الثانيه تقلل سرعة الشحن اذا صار فيه حراره عشان البطاريه ما تخرب

[Ahmed1415]

من 2020 وهو مافي مشاكل ف البطاريه

[Ahmed1415]

وفي ميزه فكرت فيها هي لما اعطي احد جوالي ما توصل الاشعارات عشان لما تعطي احد يشوف مقطع وتوصل اشعارات يقراها