السلام عليكم حبيت أشارك معاكم بعض المعلومات اللي ممكن تفيدكم إن شاء الله
١. الخاصية تتيح عمل مكالمات صوتية وانت مازالت على شيكة الجيل الرابع ( والا هتلاقي موبايلك نقل اوتوماتيك على الجيل الثالث او الثاني) و بعد اما تخلص المكالمة ترجع تاني على الرابع
٢. الميزة ان ده بيحسن اداء البطارية عشان بيقلل موضوع النقل اللي في نقطة ١ عالية.
٣. الميزة كمان انه ميقطعشي النت اثناء المكالمة.. هيفضل النت على الجيل الرابع.
٤. مش كل موبايل بيدعم الجيل الرابع بيكون بيدعم الفولت و لكن العكس صحيح.
٥. تدعيم الفولت بيكون باتفاق مع مصنع الهاتف و مشغل الخدمة او شركة الاتصالات.
٦. وده السبب ان ممكن يكون الاوبشن مش متاح عندك مع شريحة من مشغل خدمة ١ و يكون متاح لو وضعت شريحة من مقدم شريحة آخر. و عشان كده لازم تراجع مع مشغل الخدمة و انسى ان شركة الهواتف تقولك هي متفقة مع مين.
٧. طيب هنفرض كل اللي فات ده متاح عندك ..هل الخاصية هتشتغل ..للاسف مش لازم ..لان مشغل الخدمة لازم يكون مفعلها للشريحة بتاعتك
٨. واحد يقوللي تاهت ولقيناها ..اكلم خدمة العملاء يفعلوها لو الشروط اللي فوق متوفرة.. اقوللك خدمة العملاء هيقوللك في الغالب انه مش هيقدر يفعلها ليك و هو في الغالب صادق مش بيضحك عليك لان كثير من مشغلي الخدمة مش بيسمحوا لخدمة العملاء انهم يفعلوها عشان في شروط معينة مقدم الخدمة بيحوطها عشان يفعلها بطريقة غير خدمة العملاء وده للاسباب تقنيه و اقتصادية مش غلاسة و خلاص.
٩. طب الحل ايه ؟ اولا لازم يكون الشروط اللي فوق متوفرة ثانيا مفيش حل غير الانتظار انهم يفعلوها من مقدم الخدمة ..عشان كده ده سبب ان في ناس معاه نفس التليفون بنفس السوفت و نفس مقدم الخدمة ولاتقيها شغال عند واحد و التاني لاء.
تحديث للبوست في شهر فبراير ٢٠٢٣
في بعض الشركات بقت تفعل الخدمة عن طريق انك تكلم خدمة العملاء تطلب تفعيلها
