سماعة Samsung buds

[khalid1413]

‏‎‎السلام عليكم .. اخواني انا اشتريت سماعه galaxy buds العادية ولما شحنتها 100% بعد ثاني استخدام لاحظت ان السماعه اليمين تستهلك اكثر يعني اليمين 75% اليسار 85% طبيعي الشي هذا ولا مشكلة ؟

[〆almutairi〆]

يسعدلي صباحك 🌹

بالنسبه السماعات ماعندي اي معلومه عنها ولا قد جربتها بصراحه بس ع كثر مشاكل الأعضاء


ان اليمين مرات تشبك ومرات لا عموما ننتظر الشباب وكذلك يمكنك مراسلت الدعم بخصوص المشكله


تحياتي

[khalid1413]

مشكور يالغالي 🌹

[〆almutairi〆]

العفو كان ودي اخدمك
لكن الشباب اعرف مني بخصوص السماعات 🌹

[عواجي]

طبيعي دايم السماعات اليمين استهلاكها اعلى

حتى سماعاتي كذا

وحتى سماعات ابل الاير بودز واي سماعة شركة اخرى زي هواوي وسوني وغيرها

وهذا الكلام مني قاعد اقوله عبث بل عن تجربه وملاحظه

[khalid1413]

يعني طبيعي اليمين تنزل اقل من اليسار ؟؟ مايحتاج اراجع الضمان او ارجع السماعه ؟

[عواجي]

يب الشي ذا طبيعي وشائع ايضا

والتأكيد انا عندي نفس السماعه بل اعطوني هي الوكاله وعن تجربه دايم اليمين انقص من اليسار يقولون لانو البيس او اغلب الاصوات تروح لليمين بدل اليسار ... مدري عن صحة الكلام

بس اوكد لك ان المشكله هاذي شائعه لا تخاف

موفق

[khalid1413]

حبيبي يعطيك العافية ماقصرت 🌹🌹
سؤال ثاني لو تكرمت . كيف اتاكد اذا السماعة اصلية ولا لا ؟ طبعا انا اشتريت السماعه من نون وماهي ضمان السعودية اتوقع انها اماراتية ف عشان كذا انا ما ادري اذا اصلية او لا

[عواجي]

الاصلي تمت صناعته ف فيتنام

( اغلب اكسسوارات واجهزه سامسونج ( غير الجوالات) تصنع ف فيتنام زي الشاحن/ الجرابات / الاكسسوارات )

[عواجي]

خير معلومه

ترا نون او امازون مو مواقع يعني زي ما تقول انها اماراتيه او امريكيه هي صح تم تاسيسها هناك

بس ايضا انت كتاجر مثلا يمديك تعمل عندهم

يعني تاجره اكترونيه ف مناطق المملكه

يعني المنتج مو شرط يكون من الإمارات لا

وايضا الاجهزه الاكترونيه افضل عدم الشراء من المواقع الإلكترونية ليش

١ يمكن واحتمال كبير يكون تجاري ( مقلد)

٢ فروق الاسعار

٣ سعر الشحن مع التوصيل لو كان جهاز غالي

٤ يمكن يكون من دوله اخرى وهذا قد يؤذي الى
عدم استقبال الضمان للجهاز الا البلد الاصلي
وايضا يمكن لا يدعم الشرق الاوسط

وغيرها الكثير

والله الموفق