Samsung_FKqY9ma
Beginner Level 2
Options
- Mark as New
- Bookmark
- Subscribe
- Subscribe to RSS Feed
- Permalink
- Report Inappropriate Content
07-07-2020 01:44 PM in
Wearables
ان کے انداز کرم ، ان پہ وہ آنا دل کا🌹
ہائے وہ وقت ، وہ باتیں ، وہ زمانا دل کا🌹
نہ سنا اس نے توجہ سے فسانا دل کا🌹
زندگی گزری ، مگر درد نہ جانا دل کا🌹
کچھ نئی بات نہیں حُسن پہ آنا دل کا🌹
مشغلہ ہے یہ نہایت ہی پرانا دل کا🌹
وہ محبت کی شروعات ، وہ بے تھاشہ خوشی🌹
دیکھ کر ان کو وہ پھولے نہ سمانا دل کا🌹
دل لگی، دل کی لگی بن کے مٹا دیتی ہے🌹
روگ دشمن کو بھی یارب ! نہ لگانا دل کا🌹
ایک تو میرے مقدر کو بگاڑا اس نے🌹
اور پھر اس پہ غضب ہنس کے بنانا دل کا🌹
میرے پہلو میں نہیں ، آپ کی مٹھی میں نہیں🌹
بے ٹھکانے ہے بہت دن سے ،ٹھکانا دل کا🌹
وہ بھی اپنے نہ ہوئے ، دل بھی گیا ہاتھوں سے🌹
“ ایسے آنے سے تو بہتر تھا نہ آنا دل کا “🌹
خوب ہیں آپ بہت خوب ، مگر یاد رہے🌹
زیب دیتا نہیں ایسوں کو ستانا دل کا🌹
بے جھجک آ کے ملو، ہنس کے ملاؤ آنکھیں🌹
آؤ ہم تم کو سکھاتے ہیں ملانا دل کا🌹
نقش بر آب نہیں ، وہم نہیں ، خواب نہیں🌹
آپ کیوں کھیل سمجھتے ہیں مٹانا دل کا🌹
حسرتیں خاک ہوئیں، مٹ گئے ارماں سارے🌹
لٹ گیا کوچہء جاناں میں خزانا دل کا🌹
لے چلا ہے مرے پہلو سے بصد شوق کوئی🌹
اب تو ممکن نہیں لوٹ کے آنا دل کا🌹
ان کی محفل میں نصیر ! ان کے تبسم کی قسم🌹
دیکھتے رہ گئے ہم ، ہاتھ سے جانا دل کا🌹
پیر سید نصیرؔ الدین گیلانیؒ💕
1 Comment
emmwann
Expert Level 5
Options
- Mark as New
- Subscribe
- Subscribe to RSS Feed
- Permalink
- Report Inappropriate Content
07-09-2020 08:23 PM in
Wearables
محبت کرنے والوں کی تجارت بھی انوکھی ہے
منافع چھوڑ دیتے ہیں خسارے بانٹ لیتے ہیں !!
منافع چھوڑ دیتے ہیں خسارے بانٹ لیتے ہیں !!