Samsung pay

[Junee]

حملتنا بمطالبة سامسونج باي هل فيه احد ماشارك فيها ! والي ماشارك بالحملة الله يرضى عليك شارك ترى صوتك يفرق ولازم كلامنا يوصل للشركة 

مب معقولة كل هالمطالبات و الهاشتاقات وللحين مافيه صوت ؟ شيء مريب والله 

[SaudiAspire]

نظام الدفع الي تشغله سامسونچ يا العزيز الغالي
لكنه يعتمد على البنوك اعتماد تام
ما اعتقد فيه بنك في المملكه بيحط يده بيد نظام ما قدر ينجح ويستحوذ على نسبة معتبرة من السوق العالمي ابدا
والبنك المركزي عارف طبعا
سامسونچ اول شركة أجهزة ذكية تقدم على الخدمه عندنا من أربع سنوات
احنا والهند في نفس اليوم
الهند وافقت ءشف المشاكل الي صار للشركة هناك الان
ومؤسسة النقد عندنا (البنك المركزي حاليا) طلب من سامسونچ معلومات اضافية عن الخدمه وعن طريقة عملها وعن ادارتها
ولا تعبت سامسونچ نفسها تعطينا اي معلومة
وطبعا انتهت المده النظامية للطلب وحفظ
اليوم وبعد اربع سنوات نشوف الي صاير لسامسونچ في العالم ونحمد ربنا اننا انتظرنا
اذا كان ولا بد نطلب من چوچل انها تقدم على ترخيص لنظامها لانه يشتغل على أجهزة وساعات سامسونچ
هذا الطلب مجدي ومفيد
وننتظر الإدارة الجديدة بقيادة 'ليي جايي-يونچ' الي المفروض تستلم قريبا انها تعدل كل شيئ في الشركة
هذا الي نبيه
وهذا الي بيصير ان شاء الله

[baron16]

ياخي اول ما يوصل سامسونغ بي احذف تطبيق مدى مع 10 تفلات برنامج خايس وطفشني وتعبني نفسيا

[Hs6]

هل المشكلة عند مؤسسة النقد؟

[Junee]

والله مدري

[mohammed1234]

مو بس نبغى سامسونج باي نتمنى ايضا:

دعم حفظ الصور من الوتساب وارسال الصور بنفس حجمها الاصلي

دعم جميع التطبيقات الموجودة على متجر ابل ستور نفسها موجوده على قوقل بلاي

ان تكون الشاشات غير منحنيه

دعم وفرة الاكسسوارات وقطع الغيار متوفره بكثره ورخيصه

تغيير مكان زر التشغيل ووضعه على اليمين

وجود زر خارجي لتحويل الجهاز من صامت الى عام والعكس

تطوير سجل المكالمات نفس سجل ios

دعم تصوير السناب بدقة كاميرة الجهاز

تكون الاجهزة بمعالجات كوالكم سناب دراقون

رفع اداء البطارية افضل وبطارية اكبر

دعم بكسبي للغة العربية وبنفس قوة سيري

دعم الايموجي نفس نظام ال ios

لو ما يشيلون الشاحن والسماعه من الكرتون

[Junee]

الشاشات الان تقريبا غير منحنيه معي الاس ٢١ الترا و بالكاد احصل انحناء
و دعم التطبيات الموجود بمتجر ابل ستور مافهمت يعنى قصدك التطبيقات الي موجود بالابل ستور تجي لقوقل بلاي ! طيب شدخل سامسونج و شدخل قوقل هذا الشيء يعتمد على مطور التطبيق و لعلمك تطبيقات قوقل بلاي اكثر من ابل ستور و سجل المكالمات واجهة سامسونج لا ينقصها شيء ياعزيزي من هالناحية ودعم تصوير السناب هالمشكلة من السناب و سامسونج تعاونت مع سناب شات بس للاسف السناب ماعدل تصويره بس الان التصوير تحسن بمراحل ضوئيه و جدا التصوير ممتاز و معالج كوالكم هالسنه يحتر اكثر من اكسينوس و اداء البطارية يعتمد على استخدامك و البكس بي ما نبغاه باللغة العربية الحمدالله مساعد قوقل مكفي و موفي و افضل من سيري و الاموجي شكلها جدا عادي صح اموجي ios افضل بس خلاص تتعود عليها و هالشيء يعتبر تافه

[mohammed1234]

على كذا تطبيق مدى pay مكفي وموفي خلاص تعود عليه مو لازم تشغل نفسك بشي يعتبر تافه

[Junee]

على كذا كيف ؟ انا ذكرت الاشياء الي تميز سامسونج pay عن مدى انت لا تلزمني بتطبيق للاسف فاشل تقنيا واغلب المستخدمين يشتكون منه و الجهة الي صنعة مدى pay هي غير مسؤوله عن خدمات الدفع بتاتا و السبب انهم نزلو تطبيق مدى pay عشان مستخدمين اندرويد تكون عندهم خدمة دفع ولو تتوفر قوقل pay او سامسونج pay بيحذفون مدى pay

[SaudiAspire]

قائمه رائعه

[ghazyv]

كيف نشارك