Active Level 6
2020 වර්ෂයේ අග හෝ 2021 වර්ෂයේ මුල් භාගයේදී Samsung Pay සේවාව වෙනුවෙන් නව Debit Card එකක් නිකුත් කිරීමට සූදානමින් සිටින බව වාර්ථා වෙනවා.

image

මේ අනුව Samsung වෙබ් අඩවිය පළ කරන ලද ප්‍රවෘත්තියේ සඳහන් වන්නේ Samsung සමාගම SoFi (Social Finance) ආයතනය සමඟ හවුල්ව “මුදල් කළමනාකරණ ගිණුමක්” භාවිත කිරීමට සැලසුම් කර ඇති බවයි.

කොහොම නමුත් SoFi යනු බැංකුවක් නොවන නිසා, මුදල් ඇත්ත වශයෙන්ම තැන්පත් වීම සහ ගණුදෙනු වීම සිදු වන්නේ තවත් තෙවන පාර්ශවීය සමාගමක් වන WSFS Bank එක මගිනි.

මේ Samsung Pay සේවාව 2015 වසරේදී තෝරාගත් Galaxy devices කිහිපයක් සඳහා හදුන්වා දුන් අතර Magnetic Secure Transmission (MST) තාක්ෂණය ඔස්සේ payment සිදු කිරීමට මේ හරහා අවස්ථාව ලැබෙනවා.

මොවුන් එළිදැක්වීමට නියමිතව ඇති මේ නව Debit card පත හඳුන්වාදීමට සූදානම් වන්නේ Samsung Pay සේවාව සදහා වසර 5 ක් සැමරීම හේතුවෙනි.

Samsung, SoFi සහ අවසානයේ Wilmington Savings Fund Society වැනි ආයතනයන් කිහිපයක් හරහා සිදුවන මෙම ක්‍රියාවලිය තරමක් සංකීර්ණ කටයුත්තක් වනු ඇති බව බොහෝ දෙනා මත පළ කරනු ලබනවා.

මේ ගැන වැඩිදුර විස්තර දැනගැනීම සඳහා XDA-developers වෙබ් අඩවිය, Android Authority වෙබ් අඩවිය, Android Police වෙබ් අඩවිය සහ Samsung News Room වෙබ් අඩවිය භාවිත කළ හැක.