saqibhussain786
Active Level 6
Options
- Mark as New
- Bookmark
- Subscribe
- Subscribe to RSS Feed
- Permalink
- Report Inappropriate Content
01-04-2022 03:14 PM in
Others
ساڈے ول سوہنیا نگاہواں کدوں ہونڑیاں
دَسّو منظور ایہہ دعاواں کدوں ہونڑیاں
اک اک ذرّے وچ رکھیاں شفاواں نے
بوسے تیرے قدماں نوں دِتّے جنہاں راہوں نے
ساڈیاں نصیباں وچ اوہ راہواں کدوں ہونڑیاں
ساڈے ول سوہنیا نگاہواں کدوں ہونڑیاں
رو رو ساری عمر جدائیاں وچ گالی اے
ہُنڑ ساڈی زندگی دی شام ہونڑ والی اے
معاف ساڈیاں خطاواں کدوں ہونڑیاں
ساڈے ول سوہنیا نگاہواں کدوں ہونڑیاں
تِکھیاں جدائیاں دیاں دُھپّاں دل ساڑیا
اینی گل دس دے او خدائی دیا لاہڑیا
دُھپّاں کدوں مُکڑیاں تے چھاواں کدوں ہونڑیاں
ساڈے ول سوہنیا نگاہواں کدوں ہونڑیاں
عشق دے بیماراں نوں دارُو کوئی نئیں چاہی دا
ایہناں دا علاج اے دیدار سوہنےماہی دا
عشق دے بیماراں نوں شفاواں کدوں ہونڑیاں
ساڈے ول سوہنیا نگاہواں کدوں ہونڑیاں
آقا ایہو سدھراں نے سینے وچ پا لیاں
چُمّاں گا میں جا کے کدوں روضے دیاں جالیاں
سجن اُتّے تیریاں عطاواں کدوں ہونڑیاں
ساڈے ول سوہنیا نگاہواں کدوں ہونڑیاں
ساڈے ول سوہنیا نگاہواں کدوں ہونڑیاں
دسّو منظور ایہہ دعاواں کدوں ہونڑیاں
❤صلی اللہ تعالی علیہ وآلہ وسلم❤
0 Comments