اللہ تعالی نے دینی اور اخلاقی خوبیاں امت کے افراد میں بکھیر دی ہیں۔انسان میں اگر دوسروں سے استفادہ کرنے کا مزاج ہو تو بعض اوقات ایک ایسا آدمی ، جسے بظاہر ہم دنیا دار سمجھ لیتے ہیں، بڑے منفرد اوصاف کا حامل ہوتا ہے، جب کہ ظاہری طور پر دین دار نظر آنے والے سے آدمی معاملات کرتا ہے تو ایک متکبر اور خودپسند انسان کے طور پر سامنے آتا ہے۔اور کبھی ایسے ہی ہوتا ہے کہ ظاہری گمان کے لحاظ سے وہ حقیقت میں بھی ویسا ہی ہوتا ہے۔اس لیے دوسروں کی خوبیاں اپنے اندر پیدا کرنے کی کوشش اور دعا کرنی چاہیے۔
