إلغاء
إظهار نتائج لـ 
البحث بدلاً من ذلك عن 
هل تعني: 

الموضوع الأصلي:

Bixby Routines ازاي تقدر تستفيد من

(أُنشأ الموضوع في: 12-01-2021 09:40 PM)
MahmoudAlaaEldien
Active Level 1
خيارات
Bixby
Bixby Routines بتعمل ايه الخاصية ديه ؟
 معظمنا يعرف Bixby
 المساعد الذكي لسامسونج تقدر تديها اوامر صوتية و تنفذهالك طيب معظمنا عندهم روتين يومي بيعملوه قبل النوم مثلا قفل الواي فاي و تفعيل الوضع الصامت و حتي ظبط المنبه طيب الجديد هنا انك تقدر تحط شرط ل Bixby 
لو اتحقق الجهاز ينفذ مجموعة اوامر بتكون محددها مثال
 - نحط شرط ان الساعة اول متيجيه ١٢ -الجهاز ينفذ قفل الواي فاي و يفعل الوضع الصامت و يقفل الشحن السريع للبطارية و يظبط المنبه علي التوقيت اللي احبه و اقدر كمان اختار الكلام ده يتلغي الساعة كام يعني مثلا لو هصحي ٧ الصبح اقدر اخلي كل اللي اتعمل يتلغي الساعة ٦.٤٥ يعني اصحي من النوم اكن مفيش اي حاجة حصلت طبعا انا بحاول اختصر بس مجموعة الشروط و الاوامر اكتر من كده بكتيير جدا مينفعش تتشرح في بوست واحد المهم بقي ونا بدور فيها كده وصلت لحاجة ابهرتني الحقيقة و هي انك تقدر تحط شرط ان تليفونك لو استقبل رسالة نصية مكتوب فيها كلمة معينة ينفذ مجموعة اوامر لحد هنا تمام حد هيقولي ايه الانبهار بقي ؟ هقولك تليفونك لو اتسرق او ضاع هتعمل خطوة مهمة جدا عشان تتبع الجهاز و هي هتروح ل Find My Mobile و ده موقع تابع لسامسونج تدخل عليه ال Samsung Account بتاعك و تقدر تتبع التليفون و تعرف مكانه فين ( بس ) لازم يكون جهازك متصل بالانترنت طيب لو انت مكنتش فاتح الانترنت قبل ميتسرق ؟ الجهاز كده ضاع ؟ لا هتكون ظابط روتين علي جهازك ان لو استقبل رسالة نصية مكتوب فيها كلمة معينة زي مثلا بيانات الهاتف او Mobile Data يقوم الجهاز بتشغيل بيانات الهاتف و الموقع هتبعت رسالة نصية لجهازك مكتوب فيها ال Key word اللي انت اخترتها تقوم Bixby تشغل بيانات الهاتف و الموقع 👌🏻 و بالتالي بقي جهازك متصل بالانترنت و تقدر تتبع الجهاز و ده فيديو توضيحي ازاي تقدر تشغل الخاصية ديه و تجربة عملي بالخطوات https://youtu.be/HrrnB7j3huk


1 التعليق
Samah-Ahmed
Moderator
Moderator
خيارات
Bixby

صباح الخير يا فندم

مع حضرتك سماح من سامسونج مصر

بنشكرك جدا على مشاركتك معانا

وبنتمنى لحضرتك يوم سعيد

ولو عندك أى استفسار

هتلاقينا موجودين تحت أمرك فى أى وقت

شكرا لحضرتك ولوقتك

0 نقاط إعجاب