Original topic:

📒

(Topic created on: 05-23-2024 03:42 PM)
179 Views
YoussefJOeO07
Active Level 7
Options
معرض جالاكسى
في ڤيديو شفته من شوية لدفن جندي من جيش الاحتلال وسط صريخ ونواح.. والتعليقات عليه كلها تريقة وضحك.. مع احترامي للجميع لكني مش شايف أي شرف في السخرية دي.. الرسول محمد عليه الصلاة والسلام بعد انتصاره في واحة خيبر شاف الصحابي بلال بن رباح بيمر باتنين من النساء الأسيرات أمام جثث رجالهم.. فالسيدتين صرخوا وناحوا.. فالرسول لام بلال وقال له: "أنُزِعَت منك الرحمة يا بلال حين تمُر بإمرأتين على قتلى رجالهما؟" وقبلها بعد انتصار المسلمين في غزوة بدر، لما أحد الصحابة سخر من قتلى قريش وقال: "ما لقينا إلا عجائزًا صلعًا معلقة كالبدن فنحرناها" فالرسول رد عليه: "يا بن أخي، أولئك الملأ لو رأيتهم لهبتهم، ولو أمروك لأطعتهم، ولو رأيت فعالك مع فعالهم لاحتقرتَه، وبئس القوم كانوا على ذلك لنبيهم".. يعني منعه حتى من الحديث عن قتلى العدو باحتقار.. وبعد مقتل النضر بن الحارث اللي كان بيصف القرآن بإنه "أساطير الأولين" وبيحرض ضد الرسول، بلغ الرسول رثاء أخت النضر لأخوها فتأثر وقال: "لو بلغني هذا قبل قتله لمننت عليه" يعني لو كان يعرف مدى ألمها لفقده قبل ما يأمر بقتله بعد أسره في بدر لعفا عنه وأطلقه.. ممكن حد يقول: "بس دول بيعملوا كذا وكذا".. أقول له: "ومن أمثال هؤلاء بنتعلم؟ هم مجرمين الحرب دول بقوا قدوة؟" الاختبار الحقيقي للشرف في العداوة بيكون مع اللي ما عندوش شرف! كلامي مش حيعجب ناس كتير.. عارف.. ومش مهتم.. أنا قلت اللي متربي عليه وخلاص! 

image


4 Comments
some11
Beginner Level 2
معرض جالاكسى
الاولى انك تتكلم عليه الناس الي بتموت ولا انك تتضايق من الناس اللي فرحانة بالانتقام؟ هما كمان الصهاينة بيفرحوا لما يهدموا مسجد وبيفرحوا بموت المسلمين انما انت متعاطف معاهم هما
0 Likes
YoussefJOeO07
Active Level 7
معرض جالاكسى
من فضلك لا تحكمى عليا انا مستحيل اتعاطف معاهم انا بتكلم على الفضائل اللى النبى عليه افضل الصلاة والسلام زرعها فينا
مش جايب كلام من عندى
0 Likes
YoussefJOeO07
Active Level 7
معرض جالاكسى
حضرتك مستوعبة لما تتهمينى انى متعاطف مع حفنة ملاعين دا معناه ايه !!؟
0 Likes
hamo12356
Active Level 4
معرض جالاكسى
معاك يافنان
احنا ضد الخنازير اللى واقفه واللى بتحارب وبتقتل وبتحرق ولكن بأخلاقنا وليس بأخلاقهم والله يكتبلنا الشهاده يارب