🍂

[mkhamis]

أنا مش هقول لك إن في ناس ما تستاهلش فُرصة تانية لكن هقول إن الفُرصة الأولى كانت كتير عليهُم، وغلطة عُمرك إنّك دخلّتهم حياتك، هُمّا لا شبهك ولا نفس طِباعك ولا ينفعوك من الأول، دي ناس أسهل حاجة عندها الأذية، وما يعرفوش إن أثار أذيّتهُم هتفضل تطاردك سنين وهتخلق لك نوع من عدم الثِقة في كُل الناس.. فلو هتلوم حد يبقى الحد دا هو نفسك عشان سمحت لناس زي دي تدخُل حياتك، حقيقي رينا يسامحك على اللي عملته في حق نفسك.

[Anonymous]

طول ما انت عايش ناس هاتخش وناس هاتطلع ساعات بخطرك وكتير غصب عنك

[mkhamis]

هو كان ممكن يحصل فعلا كده بس دلوقتي مبقاش في طاقه لنفسي حتي

[Anonymous]

هون علي نفسك
هتلاقي طاقه وهتلاقي نفس وهتلاقي كل حاجه والدنيا هتمشي فقط لما انت تعوز
المطبات بتكون وحشه وتقيله في ساعتها وبنشوف ساعتها الدنيا سوده بس بعد كده هتلاقي ان انت اتعلمت منها وخلتك اقوي

[mkhamis]

كلامك صح ربنا يبدل حالنا لحال افضل ان شاء الله

[mkhamis]

الحمد لله ع كل شي