Active Level 6
مرحبا جميعا .. جايبلكن مكتبة تطبيقات رائعة صرلي منيح عم جمع فيها .. ونقيتن تنقاية واحد واحد 
 رح نبلش .. 
 1 - تطبيق Microsoft Office Lens : تطبيق من الشركة العملاقة ميكروسوفت مهم كتير لألنا طلاب الجامعة شغلتوا يفحص الصور والاوراق ويعمل سكان او مسح للصور ويستخرج منها الكلمات ويحولها ل PDF بكل سلاسة ووضوح وترتيب https://m.apkpure.com/ar/microsoft-office-lens-pdf-scanner/com.microsoft.office.officelens --------------------------------- 2 - العملاق Poweramp Music Player تطبيق مشغل اغاني.بس مو عادي ابدا .. من خلالو رح تتشغل الاغاني يلي عندك بطريقة حلوة كتير و من اهم ميزاتو فيك تلعب بجودة الصوت وخصائصها وكمان بيطالعلك كلمات الغنية اذا بدك وفيك كمان تغير الايفيكتات بالغنية وتعلي الصوت مع بقاء المؤثرات وتوطيه كمان .. واكتشفوا باقي الميزات لحالكن https://m.apkpure.com/ar/poweramp-music-player-trial/com.maxmpz.audioplayer _____________________ 3 - تطبيق Youtube Vanced تطبيق معدل من اليوتيوب بواجهة جديدة وحلوة كتير فيو كتير ميزات اهمها فيك تطلع وتفوت من البرنامج وتطفي الشاشة وتضل الغنية شغالة .. https://www.apkmirror.com/apk/team-vanced/youtube-vanced/youtube-vanced-13-37-52-release/#downloads ------------------------------------- 4 - تطبيق Accubattery تطبيق مفيد جدا بيفرجيك شو وضع بطاريتك ووين عم يروح الشحن ووشو اكتر التطبيقات يلي عم تستهلك البطارية لتوقفها وحالة البطارية ان كانت منيحة او لا https://m.apkpure.com/ar/accu%E2%80%8Bbattery/com.digibites.accubattery ------------------------------------ 5 - تطبيق Expeditions https://m.apkpure.com/ar/expeditions/com.google.vr.expeditions تطبيق كتير حلو من غوغل بيخليك تزور العالم من خلالو بتقنية ثلاثية الابعاد تطبيق كتير حلو لتشوف العالم من خلال موبايلك 💙 ------------------------------------- 6 - تطبيقColordict تطبيق عبارة عن قاموس اوفلاين فيه كل اللغات وفيه ميزة انو فيك تترجم الكلام مباشر يعني تترجم كلام حدا عم يحكي من جوا البرنامج لازم تحمل بعض الاضافات واللغات ليصير اوفلاين https://m.apkpure.com/ar/colordict-dictionary/com.socialnmobile.colordict --------------------------------------- 7 - التطبيق الغني عن التعريف Wikipedia تطبيق مافيني اشرحو بس رح قلكن انو هالتطبيق كلشي اي شي اي مجال اي معلومات عن اي قصة او اي شي بيخطر ببالك فيك تعمل بحث عليا بهالتطبيق ورح تلاقي كلشي بدك ياه منصة عالمية كبيرة كتير https://m.apkpure.com/ar/wikipedia/org.wikipedia ----------------------------------------- 8 - تطبيق Resplash تطبيق رائع جدا بيقدملك ملايين الصور بدقة عالية بكل المجالات والحلو فيه انو يوميا بتتجدد الصور 💙 وحجمو خفيف #لاحدا_يبحث_فيه_عن_صور_ايدين_مجروحة 💔 https://m.apkpure.com/ar/resplash/com.b_lam.resplash ------------------------------------------ 9 - هاد التطبيق بالذات مستحيل استغني عنو تطبيق Pocket من خلال هالتطبيق رح تقدر تحفظ صفحات الانترنت والتبويبات والمقالات واي شي بتتصفحو بتحفظو بهالبرنامج لتقدر بعدين ترجع تشوف كلشي حفطتو #بدون انترنت رائع جدا 💙 https://m.apkpure.com/ar/pocket-save-read-grow/com.ideashower.readitlater.pro -------------------------------------------- 10 - لانو ختامها مسك رح اترككن بتطبيق Ymusic شرحت عنو سابقا بس ما وصل لكتير ناس تطبيق خيالي بيسمحلك تصفح اليوتيوب ع شمل اوديو و #ليس فيديو بالتالي انت عندك صار عدد لانهائي من الاغاني واهم شي فيه انو مابتلحق تكبس ع الغنية بتكون اشتغلت ومابيسحب نت ابدا ابدا وفيك تطلع من البرنامج وتضل الغنية شغالة او حتى فيك تطفي شاشة الموبابل وتضل شغالة وفيك تعمل مفضلة للاغاني لي بتحبها لتضل لحالها وتستمعلها ع طول وفيك تضيف الها شو مابدك تطبيق مارح اعطيه حقو لو حكيت لسا كتير بس شيلو النجمة من الرابط وحملوه https://ymusic.en.uptodown.*com/android ------------------------------------------- ❤❤🌹 💙💙🌸
كلمة شكر تكفيني 😘

image


2 التعليقات
Beginner Level 2
شكرا اخي اسفدت من تطبيق تعديل الأغاني عنجد شكرا أخوك كوردي سوري من إقليم عفرين 🤗🤗🤗🤗🤗
رد
جارٍ التحميل...
العفو اخي الكريم ❤
واهلا وسهلا فيك وبكل حدا #مرق ع المنشور ولتشوف كل جديد تابع حسابي ع الفيسبوك

Ramez ahmad khashan
رد
جارٍ التحميل...