مشكلة موبايلي M30s من 45 يوم

[Mohamed_Salama]

البوست ده لاي حد معاه سامسونج وموبايله فيه مشكلة او بيفكر يجيب موبايل سامسونج؛ بعد 45 يوم من مشكلة في موبايلي سامسونج M30s اللي شاريه من 3 شهور؛ اقدر اقول ان سامسونج ديه اسوء خدمة ما بعد بيع انا مريت بيها علي الاطلاق للاسباب ديه:

1. انا السكة اتقفلت في وشي مرتين من موظفين خدمة عملاء مختلفين واحدة منهم اسمها "أ/نهاد بلال" يوم 15/6 و المرة التانية يوم 17/6 الساعة 4:50 م... وديه طبعا جريمة في بروتكول اي شركة محترمة عندها بربع جنيه احترافية في خدمة العملاء.

2. خدت وعود بالمتابعة من اكتر من 4 موظفين من الشركة و مسمعتش صوتهم من بعد المكالمة خدت فيها الوعد ده؛ و معرفتش اوصلهم مره تانيه منهم "أ/محمد عبد المقصود" من قسم السوشيال ميديا عالارجح.

3. خدت مواعيد متابعة من موظفين الشركة تم تاخيرها و اخلافها قد تصل ل 500 ساعة تاخير.

4. اكتر من مرة اتلطع علي الانتظار خلال المكالمة لمدة بتصل في بعض المكالمات ل 7 اضعاف المدة المقررة من جانب الشركة.

5. مريت باسوء تجربة صيانة علي الاطلاق من جانب وكيل سامسونج (راية)؛ و بغض النظر عن اي شئ انا موبايلي بقاله 45 يوم من يوم 3/5 عشان مشكلة واحدة متصلحتش و ديه تالت مره يروح الفرع وده لا يدل الا علي افتقاركم للمهنية و افتقار موظفنهم (استقبال او فنيين) للمهارات الفنية الاساسية للاجابة علي اسئلتي و الرد عليها؛ ناهيك عن اسوء تجربة بمر بيها فرع الوكيل سامسونج "عين شمس" بجانب التاخيرات وقلة الذوق و الادب في الكلام لما ابدي تمسكي بحق من حقوقي؛ وده يديني الحق بموجب قانون حماية المستهلك باستبدال الجهاز.

6. كتبت بوستين في ال community عالبيدج هنا اعبر فيهم عن رايي في مدي سوء تجربتي مع خدمة العملاء و المسئولين عن الصفحة مسحوهم.. وده كارثه بكل المقاييس و مفيش شركة محترمة بتعمل كده !!

6. في النهاية جالي انهارده يوم 17/6 مكالمة من أ/اسراء من قسم المتابعة بشركة راية بتقولي فيما معناه موبايلك مفيهوش حاجه يا تروح تاخده من الفرع ياما تستني المركز القومي لتنظيم الاتصالات يجيبلك حقك و يبدا يفحص الجهاز بعد 15 يوم *بنبرة كلها تهديد*.

بوجة رسالة لاستاذة اسراء و اوسخ شركتين اتعاملت معاهم (سامسونج و راية) علي مدار حياتي .. انا غالبا هروح وانا مغلوب علي امري بكره اخد موبايلي من الفرع والا هيتبهدل اكتر من كده وهضطر اقعد اكتر من كده من غير موبايل وفي الاخر مش بعيد تدارو ان ديه المرة التالته يجيلكم الجهاز بالعيب باي طريقة و بعد الانتظار معرفش اخد منكم حقي برضه ومقدرش اثبت اي حاجه .. انا عافرت علي اد ما اقدر عشان حقي يوصل لكن في النهاية استماتتكم علي تضيعه مني و النطاعة عليها و سلب حقي كانت اقوي وفعلا انتم اسوء شركة بالمعني الحرفي و الاقل حرفية والاقل مصداقية !!!!!

شكرا يا شركة مش محترمة.. وان شاء الله قريب اشوفكم في قاع السوق ومتقوملكمش قومة  !!!!!!!!!!!!!!!!!!!!!!!!!!!!!!!!!

مشكلتي كانت متسجلة علي رقمي: 01120781089

[maiyuy]

كلم حمايه المستهلك

[Mohamed_Salama]

فعلا كلمتهم و مش عارفين ياخدوا اجراءات قوية مع الشركة و الخطوات بتاعتهم بطيئة بدرجة ما.. و في النهاية احالو مشكلتي للجهاز القومي لتنظيم الاتصالات و انا حاليا مستني 15 يوم كمان غير ال45 يوم لحد اما الجهاز القومي يفحص موبايلي وياخد اجراء

[maiyuy]

في حد اتواصل منهم معاك؟

[Mohamed_Salama]

تواصل غير فعّال ومفيش خطوات حقيقية لحل مشكلتي .. وباخد وعود غير حقيقية من خلالهم كتير .. وفيه تاخير اكتر من اسبوعين بصدد مشكلتي غير مقبولين !

[Adrianoo]

كلم حمايه المستهلك
03 4830352

[Mohamed_Salama]

كلمتهم بالفعل بس في النهاية الشركة بتقول ان الموبايل مفيهوش حاجه عشان انا لو العيب بالفعل موجود حقي استبدل الجهاز .. وانا بقول العيب لسه موجود وانا جربته بنفسي كتير !! 
فحاليا حماية المستهلك احالوا شكوتي للجهاز القومي لتنظيم الاتصالات لفحص الموبايل 

[Merohmoooood]

عيب اوي

[Mmia1982]

ايه االي حصل

[Mohamed_Salama]

شركة مش محترمة حقيقي