🔶️ مثال قيادة السيارة 🔵 أنت الآن تقود سيارتك علي الطريق إذن اخترت السيارة وشكلها ونوعها ودفعت تكلفتها والأهم إن معاك رخصة وكتالوج القيادة أنت الآن عايش في الحياة إذن اخترت جسمك وعيلتك وبلدك والأفكار والمعتقدات عشان تفلترها لما تكبر والأشخاص اللي تساعدك ودفعت تكلفة التجربة لما اتجسدت حقيقتك علي هيئة انسان وأخدت كتالوج الحياة بداخلك اسأل تُعطي
🔵 مادام بتسوق يبقي معاك الرخصة إنك بتعرف تسوق مادام عايش إذن انت معاك كل المعلومات اللي هتحتاجها في الحياة جواك ، زي ما كل سواق معاه رخصة كل إنسان معاه كتالوج الحياة بداخله
🔵 كل طريق فيه استراحات ودا ضروري ليك وللسيارة انت كمان ضروري تاخد فاصل وتشحن طاقتك
🔵 ركز في عربيتك وعينك عالطريق ، هتلاقي مشتتات كتير متخليش حد ياخد انتباهك ويبعدك عن طريقك ركز في نفسك وفي حياتك واستثمر في نفسك واترك كل واحد حر يفكر ويعيش يعتنق ويعتقد ما يشاء
🔵 في ناس لما تاكل مطب تفضل زعلانه طول الطريق وناس بتزعل وقت الموقف وتركز وتنتبه أكتر اللي فات مات وعفا الله عما سلف متزعلش علي الماضي سامح نفسك دايماً وافهم الرسالة وعيش اللحظة واستمتع
🔵 مش عيب تسأل الناس علي الطريق بالعكس اللي يسأل ميتوهش لكن تأكد إن البوصلة معاك ، بتسأل عشان تاخد خبرة السابقين وأهل الذكر من اللي ساقوا الطريق قبلك فعارفين المطبات وعارفين تريكاته لكن متتبعش حد خليك مستقل بنفسك
🔵 هتقابلك كشافات من الاتجاه المعاكس هتشتكي ؟ ولا عارف إن دي سنة الطريق هو كمان من حقه يشوف فطبيعي تلاقي ناس مش بتحبك ، حقهم تديهم الحرية أو ناس مختلفة عنك فكرياً أو سلوكياً .. كل واحد حر
🔵 كل عربية وليها طريقها ووقتها ورحلتها ، مفيش رحلة أفضل من رحلة ، كلها رحلات ، وكل رحلة ليها مهمة مختلفة مفيش عربية زي التانية في عربية رحلتها ساعة وفي عربية رحلتها 12 ساعة المهم تبدأ مش مهم توصل لأن الحقيقة مفيش وصول رحلتك فريدة وتجربتك مميزة وليك مهمة تأديها وليك وقت تعيشه ، وتستمتع وانت شايف نفسك بتتطور
🔵 في طرق سهلة ومريحة عملتها الدولة لو مشيت فيها هترتاح وفي صحراء ، وانت اللي بتختار تسوق فين ربنا واضع كل الاختيارت واحنا اللي بنختار نمشي علي الطرق الحلوة اللي فيها نعيم وسلام داخلي أو العلاقات الصعبة المستنذفة للطاقة والمشاعر انت الي عامل في نفسك كدا .. راجع نفسك
🔵 أحلي حاجة في الدنيا إن دايماً في يوتيرن كل لحظة هي فرصة لتغير أي شئ والكون رهن إشارتك وأحسن وقت للتغيير هو الآن
🔵 سواق العربية اللي جنبك مشغل مزيكا ورايق وحد تاني جنبك علي نفس الطريق ونفس ظروفك وممكن يكون راكب عربية أرقي بس متضايق انه أكل مطب من ساعتين ، فمش العربية هي السبب .. إنما أفكاره مش جسمك أو شكلك أو فلوسك أو الزواج أو البلد هي السبب في تعاستك ، أفكارك ونظرتك للحياة هي السبب
🔵 متستعجلش توصل كدا كدا هتوصل في الوقت المناسب استمتع بالطريق وبالمنظر وشغل مزيكا وروق بالك
🔵 لما اخترت الرحلة اخترت الأجر اللي هتاخده ولما اخترت تنزل الأرض انت عارف المكافأة الكبيرة اللي هتحصل عليها لما تنجح في الاختبار
🔵 هتلاقي مشتتات وإعلانات وحوادث علي الطريق زي الأخبار السلبية والشكوي ، احمي نفسك وركز في نفسك
🔵 مستحيل تشوف الطريق كله قدامك كفاية تشوف الشوية اللي قدامك ، فكفاية تشوف الكام خطوة اللي قدامك ولما تاخدهم هتظهر خطوات وفرص جديدة
🔵 شويه الطريق منور وشويه مضلم ، مش هيبقي منور علطول ولا مضلم علطول اتطمن كشاف عربيتك شغال الحياة فيها كدا وكدا ، لما تلاقيها ضلمت برا ادخل جوا واتصل بذاتك وبالخالق وبالنور اللي جواك 🧡 #محمد_أيمن
