وأنا بتفرج علي مسلسل ريا وسكينه للمره الخميسن لفت نظرى الحاجه نبويه الدلاله صاحبه ريا واللى ميعرفش منكم أو مش متابع ريا تعبت جدا ومكنش حد عارف يعالجها ومفيش حد من أهلها كان واقف جنبها ولما عرفت نبويه فضلت معاها وجبتلها شيخ وفعلا خفت ريا وقامت من رقدتها وأول حاجه عملتها لما وقفت علي رجليها أنها دبرت لقتل نبويه ومش بس كده دى كمان كانت بتبعتلها حسب الله جوزها عند بيتها عشان توهم الجيران أنها ست مش كويسه ولما تقتلها محدش يشك فيها ولغايه اخر لحظه وهى بتتقتل ريا كانت بتضحك ف وشها
ودول اللى ربنا قال عليهم
"وَمِنَ ٱلنَّاسِ مَن يُعۡجِبُكَ قَوۡلُهُۥ فِي ٱلۡحَيَوٰةِ ٱلدُّنۡيَا وَيُشۡهِدُ ٱللَّهَ عَلَىٰ مَا فِي قَلۡبِهِۦ وَهُوَ أَلَدُّ ٱلۡخِصَامِ"
الحقيقه ريا ف حياه كل واحد فينا اللى تعمل معاه كل خير ومعروف وتاكل وتشرب وتضحك معاه وأول حاجه يعملهالك هو أنه يقتلك مش لازم بسكينه ممكن يدفنك بالحيا لمجرد أنه باصص لحاجه ف أيدك ومش بيكتفي أنه بياخدها لا ده كمان يفضل يجيب ف سيرتك كلام كتير عشان يوهم اللى حوليك أنك متستهليش اللى في أيديك وبالمره يبرر هو عمل كده ليه
👈ريا مش حاله وأنتهت لأ ريا مرض بيصيب ناس كتير ف قلوبهم..
