بما اني بقالي فترة متكلمتش عن التكنولوجيا وكده ف احب ارحب ب اندرويد ١١ الجديد هنا معاكم.
التحديث جالي من حوالي اسبوع وشوية كده تحديث اندرويد ١١ مع احدث واجهات سامسونج one UI 3.0 طيب مبدئيا كده كان انطباعي الاول هو تحول الهواتف لنظام ال IOS تشغيل الايفون!
بكل بساطه فكرة اللطافة والخفة بتاعة الاندرويد كده والفقاعات انتهت!
تحس الفون بقي جد اوي...اه والله بقي شبه الايفون في التعامل كده والتنقل اي نعم دا معناه سلاسة اكبر وسهولة اكتر في التنقل واستخدام الرامات بقي ايسر ولكن دا كله هيعرفك حاجة واحدة بس ان السياسة الأمريكية قوية جدا جدا جدا وعلشان محدش يبقي مختلف معاهم وميبقاش في وجه منافسة بينهم وبين اي شركة تانية.
ولو حد هيقولي ان الايفون مش محتاج منافسة والكلام الفاضي دا مش هرد عليه لإن بكل بساطة اتفرج علي المقارنات والامكانيات واللي هتاخده وقرر انت تاخد ايفون او اندرويد😶
في النهاية احب اقول ان اندرويد ١١ جميل خالص وسلس جدا وبقي في مرونه اكبر اي نعم شبيه للايفون ودي لها ايجابيات وسلبيات وانا واحد من محبي عالم الاندرويد شايف انها حاجة مش لطيفة شوية.
وافتكروا البوست دا لما تشوفوا اندرويد ١٢ المتكامل لما ينزل هتعرف ان عملية التحول ممكن تكتمل مع اندرويد ١٥ كده ودا لما شوفنا صور حية من تجربة اندرويد ١٢.
اتمني اننا يبقي عندنا شخصية شوية ومنستسلمش للامريكان علشان بجد انا حاسس اني باخد كل الاوامر منهم قبل ما اعمل اي حاجة ومتراقب من كل مكان وبالمناسبة في تجربة هحاول اعملها في مرة ان شاء الله هلغي تفعيل كل الحسابات بتاعتي اللي علي السوشيال ميديا وهقعد بتاع ٣ شهور كده بدون اي ميديا واشوف هل هبقي احسن؟ هل هقدر اطلع افكار بديلة؟ هل هعتمد علي نفسي شوية؟ هل هبطل اعتمد علي شخصيات ورا شاشات؟
لو وصلت لحد هنا اسئل نفسك الاسئلة دي وجاوبني
