المفروض ان أندرويد ١٠ كنظام خاص بعيد عن إضافات سامسونج له العديد من المميزات زي
١-
دعم النمط الليلي واللي كانت سامسونج في نسخة أندرويد ٩ بتعملها ولكن دون دعم كامل من نظام التشغيل واضافتها لنظام التشغيل هيكون التعامل مع التطبيقات اسهل وافضل وكمان هيدعم تطبيقات اكتر لان المطورين هيستخدموه من خلال أندرويد وليس من خلال سامسونج
٢-
إضافة ميزة متابعة الشاشة واللي بيها هتعرف استخدامك للتلفون متوزع على ايه ودي ميزة موجودة في أبل وهنأ أول مرة تضاف بحيث انت تعرف شغلك ايه على التليفون ولو. بتعمل حاجة على حساب حاجة تانية تعرف تقلل استخدامك منها وتوجه وقتك للأفضل لك
٣-
بيدعم التلفونات اللي بتنطوي وده معناه برامج اكتر هتشتغل على الفولد
٤-
ويقدم نظام جديد أكثر تطورا لنقل البيانات مابين الهواتف اللي جنب بعضها بمعنى لو عاوز ترسل ملفات ما بين تلفون وتلفون تاني في الموضوع ده هيكون محسن في الأندرويد ١٠
٥-
دعم مختلف للجيل الخامس لشبكات المحمول
٦ -
نظام التنقل الجديد واللي بتعتمد على الايماءات اسهل وأسرع
٧-
تحويل الكلام في الفيديوهات فورا لنصوص ودي خاصية موجودة في البكسل ٤ ولكن من المفترض نقلها للنظام ككل
٨ -
الأسئلة الذكية وهو نظام استخدام المساعد الشخصي في مهام أكثر تعقيدا وافتكر انها خاصية حكر على أمريكا بس أو بعض الدول المحدودة
وعموما دي يمكن اهم المميزات بالإضافة ان سامسونج لتضيف على النظام العديد من الخصائص والإمكانيات اللي بتخلي النظام أفضل زي واجهة الاستخدام one UI 2.0 بكل مميزاتها واللي من ضمنها تسجيل الشاشة
