صديقى العزيز لقد تم إطلاق هاتف s9 و s9 plus يوم ٢٥ فبراير عام ٢٠١٨ ولقد مر على هذا الجهاز المحترم اللى عجبنى شدة لا تتخيلها حوالى ٤ سنوات ومن الطبيعى بعد مرور ٣ سنوات من استخدام الجهاز البطارية كفائتها بتقل إلى أن تصل إلى لحظة الانهيار و بنسميها تسريب بطارية بنسميها تسريب لإن بتبدأ الشحنات اللى موجودة داخل البطارية بالتبعثر زى ماتكون تايهة و مش فى مكانها الصحيح
الحل الوحيد هو تغيير البطارية للأسف بطارية الجهاز تعتبر صغيرة جداً على معالج قوى و شاشة دقتها 2k دقة عالية جداً 3500 ميللى أمبير صغيرة على جهاز قوى
تتغير عادى بس من توكيل أو عند حد إنت ضامنه علشان فيه ناش مش بتتقى الله بتاخد المكونات الأصلية اللى جوا الجهاز و تستبدله بقطع غيار غير أصلية (كوبى) و بعد شهر أو شهرين من الاستخدام تلاقى حاجات غريبة بتحصل فى التليفون مثلاً تحس صوت السماعة واطى مثلاً التليفون مش بيشحن أى حد لو معندوش ضمير وصلحت جهازك عنده هيخليك ترجعلي تانى بعد شهر أو شهرين لإن الحاجات الكوبي المضروبة هتسبب مشاكل كتير أوى فى تليفونك
