Original topic:

أنا إنسان وحش

(Topic created on: 08-24-2021 11:48 AM)
168 Views
MoraYoussef
Expert Level 2
Options
معرض جالاكسى
أنا إنسان وحش 

 جملة بتتردد جوانا من وقت للتاني و في أوقات مختلفة 
 وقت شعورنا بالوحدة 
 وقت ارتكابنا للأخطاء 
وقت ضياع أشياءنا الغير متوقع ضياعها 
( لأننا بنعتقد وقتها إن ربنا بيعاقبنا بضياعها ) 

 لأ إنت مش إنسان وحش إطلاقا 

 إنت باكيدج كده كلك على بعضك بعيوبك و مميزاتك 

 محدش فينا شر مطلق ١٠٠ % و لا خير مطلق ١٠٠% 

 المشكلة الحقيقية إنك بتقارن نفسك بغيرك و ده غلط لأنك مش نفس الظروف و لا اتعرضت لنفس الضغوط ممكن تكون مضغوط أكتر منه بكتير عشان كده تفكيرك راح للمقارنة دي قارن نفسك بنفسك 

كل فترة قول لنفسك عايزة إيه ؟؟ 
 محتاج أوصل لأيه ؟ 

 اطلع بره نفسك و اكتب كل اللي مش عاجبك 

 ادخل تاني جواك و إبدأ عالج الأخطاء و شوف التجارب اللي شوهت نفسك النقية 

 خرج كل ده بره حياتك كل الكركبة اللي بتوجعك و بتسجنك في فكرتك الضيقة عن نفسك 
 هات شوية مطهرات و اشتغل في محو الآثار المؤذية دي 

 المطهرات ممكن تكون زيادة صلتك بربك ( استغفار، حوقلة ، حمد ، تكبير ، الصلاة على النبي .. دي غالبا ذي السحر شفاءها قوي جداا ) 
ممكن تكون قراءة هواية سفر 

 حتلاقي روحك رجعت تاني و بتقودك ذي البوصلة الصحيحة و بتوصلك لبر الأمان 

 لازم ترضى عن نفسك و تحبها و تعتني بها عشان تديك الثقة اللي محتاجها و نتيجة ده حتنعكس على كل اللي حواليك 

 إرضاء الناس غاية لا تدرك 

 اللي يحبك ياخد الباكيدج كله يقبله بعيوبه قبل مميزاته 

 دائما ثقتك في نفسك خط لا يجب أن يتخطاه الآخرين

image

7 Comments
معرض جالاكسى
🤍
معرض جالاكسى
👍👍 مظبوط
AboHussein
Active Level 6
معرض جالاكسى
💯💯
he82
Expert Level 5
معرض جالاكسى
صح كلامك ✔FB_IMG_1629606539715_12991.jpg
AMGDMagd
Expert Level 5
معرض جالاكسى
حقيقة صح الصح 👍👍
agawdy
Active Level 4
معرض جالاكسى
حضرتك ساعات بيكون في باكيدجات معفنه من كتر العيوب ال فيها.
واكتر باكيدج مبحبوش ال هو مبيشوفش غير نفسه ولا يشعر بأحد
في ناس بتكون مريضه متقدرش تعمل ال بتقوليه
وللاسف الناس دي بتأذي ال حواليها
0 Likes
MoraYoussef
Expert Level 2
معرض جالاكسى
أولا أتحفظ على الوصف اللي استخدمته
لأني لو مش عاجبني طريقة تعامل شخص معايا حأحط حدود كتير بينا
ممكن كمان حتى أوقف التعامل معاه و اتجنبه تماما .. لكن أنا مش حأنصب نفسي حكم على الآخرين
و لازم يكون في ثقافة لتقبل عيوب الآخرين لإننا كمان مش أشخاص مثالية و عندنا عيوب غيرنا مش حيستحملها و أنا أول الناس دي على فكرة عيوبي مرهقة حتى ليا أنا

ثانيا الشخص اللي عنده طبع سئ هو متولدش بيه ده مكتسب من طريقة تربية و سلوكيات و تجارب كتير مر بيها و تصرفاته لها هدف .. و على فكرة قابل للتغيير بس محتاج مساعدة من حد متخصص

استخدام قانون الجذب في حياتنا مهم جدا و ده شئ من صميم الدين مش شئ مستحدث لأن الرسول عليه الصلاة و السلام قال : تفاءلوا بالخير تجدوه .. و سيدنا علي بن أبي طالب قال : كل متوقع آت
كل ما تتمناه تفاءل بوجوده و حتجذبه بسهولة لمحيط حياتك
معلش طولت عليك .. تحياتي