طلب مساعدة مجتمعية يا اخونا .. لو حد عندى فى قائمة الاصدقاء دكتور امراض نفساوية او بيفهم فى الطب النفساوى يشوف لى القصة دى .. من فترة بدأ يظهر عليا اعراض مرض نفساوى يسمى " الهسس الكهربائى " وتتلخص اعراض هذا المرض فى الاتى : طول النهار عمال ألف فى البيت أطفى فى أنوار وأشيل فى فيش وأكباس كل نص ساعة باروح لعداد الكهرباء أبص عليه أشوفه عمل كام كيلو طول ما انا قاعد فى البيت بابص لعداد الكهرباء نظرات مريبة مليئة بالرعب كأنه حايطلع منه عفاريت . .. طول الوقت باعمل تحريات دقيقة موثوق فيها عن الأجهزة إللى فى البيت .. أراقب التلاجة شوية وأراقب الديب فريرز شوية .. عايز أعرف مين الكلب الى عامل العملة السودا دى بس مع الاسف التحريات لم تسفر عن شىء !! هذه الأعراض عادة تبدأ فى الظهور من اليوم إللى بتيجى فيه فاتورة الكهرباء وتستمر طول الشهر ويصاحبها حالات من التوتر والهلاوس السمعية والبصرية مع إقتراب موعد حضور الراجل بتاع الكهرباء ومعه الفاتورة إللى بعدها . شهر جاتلى الفاتورة 1200 جنية .. عملت تحرياتى الموثوق فيها تقوم تيجى الفاتورة إللى بعدها 1000 جنية .. أبص على العداد مش فاهم حاجة هو إزاى بيجى كده طيب ؟؟ حاسس أنى لسعت طول الوقت باراقب عداد الكهرباء حتى وأنا قاعد فى حالى عينى مش عايزة تنزل من عليه .. أعمل إيه طيب أقوم احدف العداد من البلكونة يمكن أرتاح شوية ؟؟ عايز أرجع انسان طبيعى زى زمان .. مفيش مصحة بتعالج الهسس الكهربائى ده !! م..
