عصفورة

[عصفورة]

لو سمحتم انا فونى بيرستر ف لعبة بابجى مش عارف العيب من اللعبة والا من التليفون والحل ايه انا لسة مفرمط وبردو مافيش حل 

[Amira-elnagar]

مساء الخير يا فندم. مع حضرتك اميرة من سامسونج مصر

في البدايه بعتذرلك جدا علي المشكله اللي واجهتك

بنشكرك جدا علي طرح سؤالك

بناءا علي استفسارك نستاذنك عمل بعض الخطوات للتمكن من مساعدة حضرتك

1-هنزل برنامج اسمه game Plugins من galaxy store
2-هنختار من البرنامج كلمة game Booster plus
3- ونختار من game Booster plus لعبة pubg
4-على الشمال في اختيار هندوس عليه ونختار كلمه "الحد الاقصي للاطارات في الثانية"

ونختار تطبيق وبدء اللعبة

لو فى أى سؤال تانى عند حضرتك ممكن توضحهولنا 

هتلاقينا موجودين تحت أمرك فى أى وقت

شكرا  لحضرتك و لوقتك

[3bdeen]

لو سمحتى انا جهازى سامسونج نوت ٩ من الخارج ولحد دلوقتى منزلش عليه اندرويد ١٠ .. ايه الحل !!؟

[Amira-elnagar]

صباح الخير يا فندم

نستاذنك بالتاكد من تفعيل التحديث التلقائي 

و ممكن حضرتك تشرفنا من خلال مركز الصيانة للتمكن من مساعدة حضرتك

و للتعرف علي اقرب مركز لك من خلال الرابط التالي:
http://www.samsung.com/eg/support/servicelocation/ 

شكرا لحضرتك و لوقتك

[عصفورة]

لوسمحتم انا عاوز اعرف اقرب مكان لصيانة سامسونج

[عصفورة]

وياريت لو العنون مفسر بتحديد

[عصفورة]

انا فى ميامى

[Amira-elnagar]

صباح الخير يا فندم

بنعتذرلك جدا علي اي مشكلة بتواجة حضرتك

بالنسبة للفروع الاقرب لحضرتك بتكون:

18 ش السلطان حسين محطه الرمل
مواعيد الفرع من 9 صباحا الي 4 مساء والجمعه اجازه

21 ب شارع سوريا رشدي
مواعيد الفرع من 10 صباحا الي 5:30 مساء والجمعه اجازه

143 ش جمال عبد الناصر سيدي بشر
مواعيد الفرع من 10 صباحا الي 3:30 مساء والجمعه اجازه

فرع سموحه : 19 ش مصطفي كامل امام مستشفي اسكندريه الدولي
مواعيد الفرع من 9 صباحا الي 3:30 مساء والجمعه اجازه

و نتمنى حل المشكلة فى أسرع وقت

شكرا لحضرتك و لوقتك