Galaxy Note20 Ultra Battery

[Deyaa-Adel]

اشتريت Galaxy Note20 Ultra من اكتر من شهر و اداء البطاريه ضعيف و غير مرضي بالنسبالي يعني لو بستخدم التليفون استخدام متواصل علي اقل اعدادات و اقل اضائه يشتغل معايا 5 ساعات ولاحظت في ريفيوهات كتير ان نسخه الشرق الاوسط فيها مشكله و ده راجع لمعالج Exynos الكارثي الي بيستهلك طاقه كتير حتي في وضع الثبات بدل من وضع معالج Snapdragon 

 مع العلم اني عملت software update last version و تقريبا عامل عامل كل حاجه ممكن توفرلي استهلاك طاقه

قفلت 120Hz و شغال علي 60Hz

معظم البرامج Restricted و ديما بقفلها من الخلفيه

ديما حاله الجهاز في Device Care ممتازه

ريزيليوشن الشاشه FHDPlus المتوسط

قافل Always on display

و طبعا قافل Enhanced Processing 

قافل NFC

قافل printing

قافل Nearby devices scanning

قافل Location

قافل Adaptive brightness و اعلي اضائه بشتغل عليها 25%

طبعا hotspot و screen rotating الخ مقوفلين

مشغل Dark Mode 

مشغل وضع البطاريه التكيفي

بشحن التليفون ديما من 20% الي 90% بالشاحن الاوريجنال

الحاجه الوحيده الي معملتهاش هو وضع توفير الطاقه و اكيد مش هشغله لاني مش جايب تليفون flagship علشان اشغل عليه وضع توفير طاقه 

هل في حاجه تانيه المفروض اعملها او هل في تحديث ممكن سامسنج تنزله يحل مشكله استهلاك الطاقه في هواتف Note20 Ultra ذات معالجات Exynos

مع العلم ان تليفوني السابق samsung A70 و كنت بشتغل عليه بعنف و كان محترم معايا جدا و بيكمل معايا 24 ساعه في اسوء الظروف

[Anonymous]

الله ينور 🤝

[Anonymous]

فاضل الخفيف و بعد التقايل اللي انت عاملها مش هيعملوا حاجه تقريبآ
واي فاي افضل من الداتا عند توفر الاتنين وبالذات ال ٢.٤
خلفيات وشاشة قفل ثابته
المزامنه التلقائى
المهم هو ال ١٠% اللي فوق دول ممكن يدوك ساعه اضافيه

[Deyaa-Adel]

طبعا طول ما انا في البيت وايفاي بس و الداتا و انا بره البيتو معظم الوقت مش بشغلها و انا بره البيت غير للطوارئ 😅😅
و طبعا خلفيات وشاشه قفل ثابته المزامنه التلقائيه مشغلها للميل بتاع الشغل بس
التليفون ده منكد عليا 😅😂

[samsungmena]

Deyaa-Adel

مساء الخير يا فندم مع حضرتك زهره من سامسونج مصر

بنشكرك جدا علي طرح سؤالك ونتمنى لحضرتك يوم سعيد

فى البدايه بعتذر لحضرتك جدا عن المشكله اللى بتواجه

بناء على سؤالك

بخصوص استفسار حضرتك استأذنك التأكد من بعض الخطوات

التأكد من استخدام الشاحن الاصلى الخاص بالجهاز

تجربة شاحن اخر مع الجهاز

قم بتخفيض درجه سطوع الشاشة

اغلاق الميزات الغير مستخدمة مثل البلوتوث وال GPS

قم بإغلاق التطبيقات المفتوحة والتى تعمل فى الخلفية وغير مستخدمة

قم بالتاكد من عدم وجود اى مشكله فى البطارية الخاصة بالجهاز او زر التشغيل

قم بمراجعه استهلاك البطاريه الخاصة بالجهاز لمعرفة اكثر التطبيقات المستهلكه للبطارية

عن طريق الضغط على الضبط – صيانة الجهاز – البطارية – استهلاك البطارية

قم بإستخدام الجهاز على وضع توفير الطاقة

فى حالة استمرار المشكلة يرجى اعادة ضبط المصنع للجهاز.

الضبط - الادارة العامة - ارجاع - اعادة تعيين بيانات المصنع - اعادة تعيين الجهاز - مسح الكل

قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج Samsung smart switch

http://www.samsung.com/eg/support/smartswitch/

وفى حالة استمرار المشكلة استأذنك تشرفنا فى اقرب مركز صيانة حتى يتم فحص الجهاز وحل المشكلة لحضرتك

يمكنك معرفة أقرب مركز صيانة عن طريق الرابط التالي

https://www.samsung.com/eg/support/service-center/

 ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا لحضرتك ولوقتك

[Anonymous]

بس انت كده عامل اللي عليك بصراحه 😀

[AbdullahMonir]

بغض النظر عن ان النسخة Exynos او Snapdragon
البطاريات عموما في ال
Flagship
اداءها اقل من الفئة المتوسطة عشان البروسيسور نفسه بيستهلك طاقة اكبر عشان الاداء اقوى
٥ ساعات
screen on
معقولة مش وحشة ممكن توصل ٧ ساعات في بعض الاحيان

[eslam8]

انا شايف ان درجه الحرارة ليها عامل كبيييررر اوي الايام دي.
بيسخن الجهاز وبيسحب منه الشحن بسرعه ..
وحاول تطبق خطوات زهره خدمه العملاء

[خالدk3]

نفس المشكلة برضه ومفيش حل جديد أو تحديث يخلي أداء البطارية أقوى

[hossamyoussef]

بيشحن معاك ف قد اي لانه بيتأخر ف الشحن معايا و دي حاجه مديقاني