s9 plus

[Nour1997]

في اي معلومات جديدة عن تحديث اندرويد ١٠ ؟

يناير بيخلص و التحديث لسه منزلش 😤😤

[AhmadAdel]

أنا زيك لسه ما نزلش S9 plus

[hemdy1]

انا تحديث فوني فشهر 7😂😂⁦☹️⁩

[3AZoz]

المفروض يوصل لموبيلاتنا من النهارده ....خلال ١٠ ايام لو مجالكش تنزل تروح اقرب فرع لسامسونج

[3AZoz]

حضرتك الفكره كلها انك لو دخلتي كلمتي خدمه عملاء الشركة هيقولولك انه هيبدأ يجي من بعد يوم ٢٠ 😅انا مجرد بقول حاجه كنت سألت فيها الشركه ....انما كلامي مش قرآن يعني

[Anonymous]

يا جدعان اسمعوا كلام الست آية دي ارية ومطلعة 😁😄😅
just kidding
فعلا كلامها صحيح وفيه احتمال انه ينزل اندرويد ١٠ بيتا للاس ٩ لو حبوا يشوفوا مستقر ولا لأ قبل ما ينزلوا الاصدار النهائي من اندرويد ١٠

[Sara-nader]

 صباح الخير يا نور مع حضرتك ساره من سامسونج مصر

بنشكرك جدا علي طرح سؤالك

بناءا علي سؤالك من الواضح أن حضرتك بتستفسر عن موعد اصدار اندرويد 10 الخاص بجهاز ال s9

  ( يتم الاستعداد لأطلاقه في يناير 2020)

والتحديث بيعالج مشكال كتير ابرزها :

 1-أداء البصمة بيكون افضل

2-تسجيل البصمة بيكون بدون مشاكل

3-الكاميرا أدائها بيكون أفضلٍ

4-وأخيرا تحسن ملحوظ في أداء البطارية

تحت أمرك فى أى وقت وفى خدمتك دايما 

شكرا  لحضرتك ولوقتك

[Amira-elnagar]

مساء الخير يا فندم  مع حضرتك اميرة من سامسونج مصر

بنشكرك جدا على مشاركتك معانا وبنتمنى لحضرتك يوم سعيد

وبنعتذر لحضرتك جدا على تأخير التحديث 

تحديث الاندرويد 10 الخاص  لجهاز جالاكسي S9+ تم اصدارة في  (فبراير 2020)

أستأذن حضرتك فى تفعيل التحديث التلقائى وبمجرد صدوره على الاجهزه هيتم تحميله 

ولو عند حضرتك أى استفسار أخر

موجودين تحت أمر حضرتك وفى خدمتك فى أى وقت

شكرا  لحضرتك و لوقتك