s9 plus 1sim snapdragon

[Magedisaac]

من فضلكم اريد حل مشكلة 

صوت مايك المكالمات واطي اوي اي حد أكلمه يسمعني بالعافيه مع أن التليفون جديد ومدخل المايك نضيف 

التليفون نوعه s9 plus snapdragon 1sim 

  المايك شغال عادي بس اي حد يسمعني بالعافيه 

ياريت حد يكون عارف تطبيق أو كود يرفع صوت المايك لانه التليفون مش بيجيله تحديثات 

واشكركم مقدما 

[yousef9696]

معرفش الصراحه هى مشكله سوفتوير ولا هاردوير . روح الفرع وشوف هيقولولك ايه

[Magedisaac]

مش بيرضوا يصلحوا التليفونات الدوليه وبالأخص الاسنابدراجون

[Marwan11]

طب سجل مقطع صوت من الموبايل مرة و من مايك خارجى مرة و شوف هل نفس درجة الصوت ولا لا
لو متغيرة يبقى مشكلة مايك

[Khaled678]

عندي المشكلة دي بس احيانا بتبقي ف المكالمات لكن مش علطول واتوقع انها من الشبكه ... بس صوته واطي ع طول ف الالعاب زي ببجي كده

[Magedisaac]

شكرا ليكم انا هحاول اشوف طريقه تزود صوت الفون سواء ب تطبيقات أو من خلال السوفت

[Amira-elnagar]

مساء الخير يا فندم. مع حضرتك اميرة من سامسونج مصر

في البدايه بعتذرلك جدا علي المشكله اللي واجهتك

بنشكرك جدا علي طرح سؤالك

بناءا علي استفسارك نستاذنك

ممكن حضرتك تقوم بالضغط على

*#0283#

بيظهر لحضرتك 3 اختبارات

 ممكن حضرتك تقوم بإختيار SPK المايك

 ممكن حضرتك تقوم بإختيار RCV السماعه بتاعت الهاتف

 ممكن حضرتك تقوم بإختيار EAR الهاند فرى

وحضرتك هتردد اى جملة وفى حالة تكرار الجملة من الهاتف مرة اخرى هذا يعنى عدم وجود مشكلة بالهاتف

لو فى أى سؤال تانى عند حضرتك ممكن توضحهولنا 

هتلاقينا موجودين تحت أمرك فى أى وقت

شكرا  لحضرتك و لوقتك