VoLTE Galaxy S10 Lite

[Artist8]

أنا لغاية دلوقت VoLTE  مش شغالة معايا و لا على أورانج و لا على فودافون ...

فودافون ، تواصلت معهم كتير جدا لتفعيلها و كل موظف يرد عليا بأنها شغالة و و أنى أتبع خطوات تنشيط الشبكة ، و كل مرة أرد بأن الخطوات دى مش بتوصل لحاجة و المكالمة تنتهى من غير فايدة ، و ٢ موظفين كل واحد فيهم قالى أنه عمل شكوى للدعم الفنى ، و بعدها أكتشف أنه معملش شكاوى و لا حاجة و مفيش أرقام شكاوى بتوصلى و لا بيحاولوا يكلموني  لغاية ما زهقت و يأست أنى أوصل معهم لحاجة ..

أورانج ردهم فى كل مرة إن شركة أورانج مش بتدعم غير موديلات محدودة إلى غالبا كلكم عارفينها لأن هى قايمة واحدة بيردو بها على كل العملاء. و برغم أنى بلغتهم إنى لاقيتها شغالة مع ناس معها أجهزة غير الموجودة فى القايمة ، الموظف بيبقى مصر إن الخدمة مش شغالة غير على الأجهزة الموجودة فى القايمة و مطلوب منى إنى أصدق كلامه و أكدب عينيا ..

و لما طلبت عمل شكوى فى أحد المرات الموظف رفض ..

عملت أكتر من شكوى فى الجهاز القومى لتنظيم الإتصالات فى الشركتين بلا جدوى و مو صلتش لحاجة لدرجة إنى يأست إن الخدمة تشتغل عندى ....

حد عنده إقتراح ممكن يوصلني لحل ؟؟

[Future2Day]

الموضوع متعلق بشركات المحمول بمعنى لازم الشركة اللى تابع ليها الخط تضيف الخاصية وده بيتم حسب أولوية وسياسة الشركة

[Artist8]

و متعرفش هما ممشيينها إزاى ...

أنا بشحن ب ٣٠٠ جنيه فى الشهر و مش شغالة عندى ، و ناس أعرفها مش بتشحن أساسا و شغالة معها بقالها فترة .. متعرفش إزاى !!!

[AlyS]

شركة المحمول هي اللي بتضيف الخاصية و مش بيخلوا خدمة العملاء تقدر تفعلها

لا يوجد حل غير الانتظار

[Future2Day]

عملت اللى حضرتك عملته فى ٣ شركات محمول وبعد ٦ شهور من الشكاوى فى الشركات والجهاز القومى لتنظيم الإتصالات ده اللى وصلتوا بعد لف ودوران وعدم وجود رد واضح ومباشر

[Artist8]

و وصلت لحاجة ؟؟

[Future2Day]

اللى وصلتله إن كل شركة لها أولوية وسياسة خاصة بمعنى إن على العميل الإنتظار

[Artist8]

و أنت و بختك ، يا نشتغل يا متشتغلش 

[AlyS]

مش هتلاقي رد واضح ..لان الحقيقة زي محضرتك قولت ..كل شركة لها سياسة بتعتها ومفيش حل غير الانتظار

[ManooSakr84]

هيا ايه الخدمة دي من فضلكم انا حابة اعرف..انا جهازي
S10 lite