VOLTE

[Artist8]

هل حد أشتغل معه VoLTE  على S10 lite ، و لو أشتغل ، أيه الشبكة ؟

[AlyS]

مفروض الموديل ده يشغل خاصية
Volte
المشكلة في الغالب بتبقى في شركة الاتصالات هما اللي مش مفعلين الخاصية على خطك.
حسب منا عارف معظم اللي عندهم الخاصية شغالة بيكونوا (فودافون) او (اتصالات) بس معرفش نظام الشبكات التانيه

[AlyS]

هو انت شريحتك من أي شركة؟

[Artist8]

أورانج و فودافون و مش شغالة على الأتنين 

أورانج بتقول إن الشركة مش بتدعم الجهاز ده ، و فودافون كلمتهم حوالى سبع مرات وو فى كل مرة بيقولولى إنها فعالة و إنى أعمل إعادة تشغيل الجهاز. و كل ده بلح طبعا

[tet00]

شغاله عندي وعادي ساعات بتبقي حلوه وساعات الشبكه بتبقي زفت

[Artist8]

على نفس الجهاز ؟

و الشبكة  إيه ؟

[A_Mido96]

المشكلة في الشريحة نفسها مش الجهاز
أنا معايا نفس الجهاز وبأُعاني من نفس المشكلة بس اتضح انها مشكلة الشريحة
واللي خلاني أتأكد اني حطيت شريحة تانية وال(VoLTE) اشتغل عادي

[Artist8]

أنا غيرت الشريحة و الوضع زى ما هو 

هى المشكلة فى حسابك انت عندهم 

بس مش عارف المفروض نستنى أد أيه لغاية ما المشكلة تنحل

[A_Mido96]

لو الموضوع فارق معاك هات رقم جديد أسهل مظنش هيقدروا يعملولك حاجة لأنها مش مشكلة عامة

[Artist8]

و الله هو رقم فودافون ده جديد ، مكملش شهر ، رقم أورانج قديم بقاله أكتر من ١٠ سنين ( كان موبينيل طبعا ) 

و بعدين أنا أعرف حد معه خطين فودافون ، و الخدمة شغالة عنده على القديم ، برده بقاله أكثرمن ١٠ سنين ، الجديد بقاله شهور و الخدمة مش شغالة عليه ..

حد تانى أعرفه معه خط أورانج قديم برده ، و الخدمة شغالة عنده و بالمناسبة الجهاز إلى معه مش من الأجهزة إلى أورانج حطاها فى قائمة الأجهزة المدعومة ..

فى حد أعرفه معه خط إتصالات و الخدمة شغالة عنده ، بس هو معه رقم مميز 

فمن الواضح إن الشركات  بتدى أولوية لخط معينة لأسباب مختلفة عند تفعيل الخدمة ..

يعنى من الواضح إذا كان خطك قديم و بتشحنه بإستمرار خصوصا لو بمبالغ كبيرة نسبيا ، أو لو معك خط مميز ، و دافع فيه مبلغ أكبر من إلى ممكن تدفعه فى أرقام تانية ، غالبا هيدولك أولوية عند تفعيل الخدمة ، طبعا ده لو جهازك مدعوم من الشركة