Samsung wallet and Google wallet

[Ahmedsd]

هو الخدمتين دول اتصرف نظر عنهم خلاص مش هيشتغلوا في مصر صح ؟ Apple pay شغالة من اخر 2024 و المفروض حسب ما فاكر انهم كانوا هيشتغلوا بعد Apple pay ب كام شهر يعني شهر 3 مثلا بالكتير 2025 ، فات أكتر من سنة و مفيش اي حاجة شكلها كدة اتصرف نظر عنهم بقي تقريبا و الا ايه؟

[RamyELGammal]

باين ان شكلها كده فعلآ

والسبب المنطقى ليس كون الاندرويد غير مؤمن بالدرجة الكافية زى ما البعض بيعتقد لان جوجل وسامسونج باى شغالين تقريبآ فى العالم كله
ولكن اعتقد بسبب شكل وطبيعة سوق الهواتف الاندرويد فى مصر واللى بيحصل فيه

[Ahmedsd]

معاك حق الفكرة ان مفيش اي كلام عن الموضوع اذا كان هيشتغلوا او لا حتي مثلا لو مش هيشتغلوا مفيش اي معلومه برضو

[النجمالثاقب]

الموضوع مش إنهم صرفوا نظر لكن التأخير من البنك المركزي المصري بخصوص التراخيص والربط مع المنظومة الوطنية ميزة ورغم إن أبل باي اشتغلت إلا إن جوجل وسامسونج لسه في مرحلة الاختبارات النهائية والاتفاق مع البنوك المحلية فالخدمة لسه جاية لكن مفيش موعد رسمي محدد لحد دلوقتي وكل اللي بيتقال مجرد توقعات

[Ahmedsd]

اتمنى يشتغلوا عشان خدمات كويسة وعملية و شغالين في دول كتير و في دول عربية انا بس مستغرب ليه فيه فجوة زمنية كبيرة بينهم و بين Apple pay

[النجمالثاقب]

معاك حق الفجوة غريبة فعلاً، بس غالباً الموضوع له علاقة بالاتفاقات الأمنية وبروتوكولات الربط بين السيرفرات والبنوك المصرية. أبل سيستمها مقفول فممكن يكون خلصوا إجراءاتهم أسرع، لكن سامسونج وجوجل شغالين على نطاق أوسع فبياخدوا وقت في التجهيز مع البنك المركزي.. إن شاء الله الخبر الرسمي ينزل قريب ونخلص من شيلة المحفظة دي

[Ahmedsd]

فاهم قصدك شكرا جزيلا لاهتمامك ياريت ان شاء الله تشتغل قريب 😊

[النجمالثاقب]

تسلم يا رب وتحت أمرك في أي وقت بإذن الله الأخبار الجاية تكون مفرحة ونشوف الخدمات دي شغالة رسمي في مصر

[Mohamedabumalek]

انا يا جماعه عندى رأى تانى
الموضوع كله عند شبكه ميزه
لأن صاحب شبكة ميزه هو هو صاحب شركه ATM و شركه 123 و شبكه انستا
طبعا هى عمليه احتكار السوق لصالح انستا
Apple pay اتفعيل قبل اضافة الرسوم على انستا
ولو فاكرين كان فى موضوع اتذكر عن برنامج soft pos
هو برنامج بينزل على التليفون تقدر تستخدمه فى تحويل الفلوس زى ماكينه pos اللى عند التجار
طبعا من غير رسوم
وتقريبا عشان كده هما اجلوا التفعيل لحد مايحققوا الربح المناسب
وعشان تعرفوا الكلام ده صح ولا لا
جربوا تسألوا اى صفحه تخص البنوك عن التفيعل Google wallet
وبالأخص شبكه ميزه ماحدش هايرود عليك
كلهم واخدين تعليمات بعدم الرد

[Ahmedsd]

الله اعلم التأخير من ايه بس كلام مقنع و وجهة نظر برضو هو اكيد في حاجة للتأخير اللي مش طبيعي و مفيش كلام عن الموضوع خالص شكرا كدة بعد Apple pay و كان مفيش سامسونج كله ابل بس يعني