Samsung to iphone

[mody13433]

بعد ما ظهرلي خط ف نص الشاشه من العدم ف samsung s21 fe وسامسونج مرضيتش تغيرلي الشاشه مجانا عشان طبعا احنا ف مصر مع ان دا عيب صناعه مش سوء استعمال مني قررت اني مش هشتري سامسونج تاني وروحت اشتريت ايفون وحاسس فعلا اني ماسك حاجه بريميم وندمت اني منتش شاري ايفون من الاول..

[TheUnκn0ωη]

حضرتك ازاي عايزهم يغيرولك شاشة مجانا لجهاز وقف عنه الدعم وضمانه خلصان من زمان؟
وايه علاقة احنا في مصر بالموضوع؟
مش اي حاجة هتتعملك ببلاش
فكر بالعقل مش بالتفاحة

[mody13433]

نفس المشكله ظهرت ف الهند والامراتو امريكا وكام دوله وسامسونج غيرتلهم الشاشه ببلاش عشان دا كان عيب صناعه ومعاك حق فعلا مفيش حاجه ف البلد دي ببلاش

[TheUnκn0ωη]

حضرتك كل دولة ليها سياسات مختلفة مع الشركة وعمتا معتقدش حد يختلف في سياسة الضمان
انت حضرتك جايبلهم جهاز قديم ضمانه منتهي فهم ليهم الحق انهم ميصلحوش الجهاز ببلاش لانه خرج من الضمان فاي عيب هيحصل فيه حتي لو مش بسببك فهو خلاص هيتصلح بفلوس وده شيء منطقي واعتقد مفيش دولة مخالفة الكلام ده لان اي جهاز ليه ضمان فترة معينة ولما يخلص يبقي لازم تدفع عشان تصلح المشكلة
افهم الاول قبل ما تلوم
ومتفكرش ان دول برة ديما كويسة زي ما بتشوفها علي النت ومتخيل ان الحياة فيها احسن

[mody13433]

لا المشكله ظهرت بعد التحديث وكذا حد قال كدا بس برا مصر ورغم ان الجهاز برا الضمان ومع ذلك خدو screen replacement for free
بس سامسونج قالتلهم لو المشكله ظهرت تاني مش هنغيرها مجاني

[TheUnκn0ωη]

حتي لو المشكلة ظهرت بعد تحديث جديد والجهاز خارج الضمان انت مجبر تصلحها علي حسابك
ولان مش منطقي التحديث يعمل خط في الشاشة لانه ملهوش دعوة
وغير كده معنديش فكرة المصادر الي جبت منه الاخبار دي منين
ومحدش اتكلم عن ان الجهاز ده حصل فيه مشكلة في الشاشة بعد اي تحديث

[mody13433]

يبقي انت مش متابع وسامسونج نفسها اعترفت انه عيب صناعه وغيرته للناس بس مصر مفيش كدا

[TheUnκn0ωη]

متابع بس مسمعتش حاجة بخصوص الموضوع ده يمكن يكون لاجهزة تانية وانت مش واخد بالك

[mody13433]

وسامسونج نفسها قالتلي كدا وملهاش علاقه بالضمان

[mody13433]

انا مش بلوم ولا حاجه انا بس زعلان اننا مش بتاخود فرص زي الاجانب