S25fe

[abdoo74]

لو سمحتوا لو حد معاه s25 fe لما بستخم الموبايل وهو متوصل بالشاحن الشاشه بتبقي مش شغاله كويس اللمس بيبقي فيه مشكله بيدخل علي حاجات لوحده بمجرد اني بسكرول علي فيس مثلا القيه فتح فيديو من التايم لاين وحاجات تاانيه برد والبصمه كمان بتبقي مش شغاله كويس فلو حد معاه نفس الجهاز بيحصل معاك نفس المشكله دي ولا لا مع العلم الموبايل اول ما بيتفصل من الشاحن بيرجع طبيعي مفيهوش اي مشكله 

وشكرا

[gggtrsch]

زيك زيك اخيرا حد اشتكي من المشكلة انا معايا a17 4g وبيعمل كده

[gggtrsch]

ولو سمحت اديك رقمي بس في الخاص علشان نتكلم واتس انت ايه رايك

[gggtrsch]

زيك بالظبط اول ما يتفصل من الشاحن بيرجع بردو اقسم بالله المشكلة ده تعبتيني

[abdoo74]

باشا جرب تشحن الموبايل من غير الجراب
انا حد من الناس المحترمه هنا نصحني والصراحه وانا بشحن من غير الجراب كان كويس مفهوش مشكله
ف حضرتك جرب وشوف هيحصل ايه

[النجم_الثاقب]

❤

[TheUnκn0ωη]

ممكن صورة واضحة للشاحن والعلبة الاتنين من الضهر
لان مشكلة زي كده ممكن تكون بسبب شاحن غير اصلي او مشكلة في الشاحن حتي لو كان اصلي
بس الاول نحدد ابعتلي الصور واعرفك اصلي او مش اصلي وليه

ولو جايب الشاحن ده من التوكيل او دريم2000 او دوبي فون او اي مكان موثوق ومعاك فاتورته فمفيش داعي تصور وارجع بيه علي التوكيل

[abdoo74]

الشاحن اورجينال يا باشا من ميامي سنتر ومعايا فاتوره بيه مع الموبايل

[TheUnκn0ωη]

جرب تشحن في مكان تاني غير بيتك وشوف
لو حصلت ارجع بيه علي التوكيل ومعاك الفاتورة
لان بنسبة كبير المشكلة في الشاحن او الوصلة

[gggtrsch]

يشحن في مكان تاني ليه يعني عنده المشكلة وانا وهو بيت وانا بيت شكلها من سامسونج اصلا