S22 Ultra أصبح الجهاز خردة حرفياً

[Basel900]

مصايب التحديث الأخير لشهر مايو لاتتوقف ولا تتعالج.. مهما كتبنا لا احد من الشركة يسمع ولا يحترم شكاوي الناس.. مجرد اعد ضبط المصنع و زيارة الصيانه..

الجهاز اللي بأكثر من 5000 ريال اصبح خردة مايسوى ولا 10 ريال..

مشاكل في كل الجهاز ومعظم البرامج تسببت في مشاكل في حياتنا من تأخر على الدوام بسبب المنبه ومشاكل مع الناس بسبب عدم تنبيه المكالمات و و و

حسبي الله ونعم الوكيل بس

[hemod212]

والله غبنه مادري ليش الناس تشتكي ولاحد يرد عليهم

[ghamdi11]

نفس المشاكل للاسف اواجهها مع الترا ٢٢ من بعد التحديث سيئ بمعنى والدعم كذالك اسوء من شهر ونص عندي مشكله ماحلوها لي

[Basel900]

يابن الحلال والله مليت و لولا صعوبة نقل اشياء الدوام كان كسرته ابن اللذين و غيرته

[weneedsamsungpay]

ننتظر التحديث الجديد ولو ما حل
نرسله للوكيل ونرفع جميعا شكوى لوزراة التجارة

[Basel900]

علمنا وشلون لاهنت وهل يحذف البيانات ولا لا

[Messhary]

وش المشاكل الي تعاني منها ياباسل انا ماشفت المشكله في الموضوع

[Basel900]

والله وانا اخوك تكلمنا فيها كثير في المواضيع.. لكن بأختصر لك.. تصوير فيديو مايصور لا من ااجوال ولا السناب ولا اغلب البرامج.. المنبه و الرنين مافيه.. مقاطع الفيديو ماتشتغل في الاستديو ولا تويتر ولا اغلب البرامج.. السنابات تمشي من نفسها بسرعه.. حراره الجهاز.. البطاريه.. والباقي ممكن تاهذ لفه على المنتدى وتشوف.. كل الحلول مؤقته لنصف يوم بالكثير و ترجع نفس المشاكل.. طبعا نسبة قليلة من المستخدمين ما شاء الله ماجتهم هالمشاكل

[KhaledMyios]

والله يا خوي عندي برضه فوق هذي المشاكل مشاكل استنزاف
البطارية في وضع السكون مجننتني
بصبر تحديث اخير ولو ما انحلت المشكلة برجعه لهم يستدبلوه

[hemod212]

للاسف اخر جوال لي من سامسونج راح يكون s20 كنت ناوي على s22 plus بس بعد التحديث الغبي صار جوال غير صالح للاستعمال