S21plus

[Mhnd707]

السلام عليكم ، بخصوص البطارية كم تقعد معاكم ؟ لأن تقعد عندي من 12 ل 13 ساعة و كنت مبسوط بها ف البداية بس شفت ناس هنا ماشاء الله توصل ل 17 ساعة و يمكن اكثر ! ، مع العلم اني مفعل توفير الطاقة و 4 جي و دارك مود و 60 هيرتز و مسوي روتينات ، ف ما ادري 13 ساعة تعتبر حلوة ولا لا و انا استخدامي للجوال طول اليوم و اغلبه ع السناب .. ياليت تفيدونا لاهنتم

[ŚóHãrdŤòßè]

تفرق من شخص لشخص حسب إستخدامة وحسب البرامج
إلى آخره .. اذا كانت تجلس معاك 12الى13 ساعة فهذا ممتاز
كل شخص تختلف معاه المدة حسب الاستخدام
لكن حافظ على البطارية ولاتخليها تكون أقل من 15 الى 20% او تزيد عن 80 الى 90%

[Mhnd707]

الحمدلله طمنتني ، يعطيك العافية

[〆almutairi〆]

اول شي طف توفير الطاقه 👍

استخدم مكانه السكون العميق للتطبيقات ماعدا التواصل الاجتماعي مع الروتينات وأخص بالذكر 5g والمزامنه

مع العلم 8 ساعات حلوه كاستخدام مكثف ولو كان الاستخدام الفعلي من 3 إلى 4 ساعات يعطيك سكون إلى ساعات اكثر

فالمساله نسبه وتناسب بين الاستخدام والسكون والنتيجه واحده ان زاد فترة تركك لجوال زاد نسبة بقاء الجهاز إلى فترات مطوله تاصل إلى يوم والعكس صحيح

اما 8 ساعات استخدام فعلي شايف انه مره بطل 👍

ركز ع الاس 21 الترا

[Mhnd707]

للأمانة انا مسوي الثنتين توفير الطاقة + السكون العميق حاط فيه حول 40 تطبيق بإستثناء برامج التواصل طبعاً ، و بخصوص الروتينات مسوي نفس اللي كنت منزلها ف موضوعك انت و فرقت معاي البطارية ساعة زيادة 👍🏽 ، شكرا لك عالتوضيح 🙏🏽💛

[〆almutairi〆]

العفو 🌹

[fahad9900]

مركب كفر على الجوال؟ انا من شريته ما ركبت كفر و الشاشه نفس الاستكر الي جاء فيه من شريته ما فكيتها لاكن واحد اعرفه انكسرت شاشته لانه مو مركب شي و خفت على جوالي لا يطيح علي و لا شي و مو محصل كفرات حلوه للجوال من وين اشتري؟

[SalehHm]

افضل كفر للسامسونج عن تجربه

[hazem225]

موجود الكفر ذا

[Mhnd707]

اي مركب الشفاف العادي و مركب استكر شاشة لأن صراحة عندي فوبيا ما اقدر استخدم الجوال بدون كفر و استكر مهما كان ، بخصوص الكفرات تحصل ف نون مليان اشكال و الوان