+S21

[Mhnd707]

السلام عليكم .. 

انا توي مشتري +S21 ، و عندي ٤ ملاحظات ياليت تفيدوني لو عندكم حل لها

اول ملاحظة الكيبورد احس فيه ثقل و ماهو سلس يعني اذا مثلا جيت اكتب احس الانتقال بين الاحرف فيه ثقل خفيف و اذا جيت امسح كلام كثير برضو نفس الشي يكون ثقيل ، مع ان جهازي الاول +S9 لكن الكيبورد كان سلس جداً !

_

ثاني ملاحظة اذا شبكت الجوال ف الشاحن و قعدت استخدمه و هو مشبوك اللمس يصير فيه زي اللخبطة و ثقل يعني اضغط ف مكان و يفتح مكان ثاني من حاله و اذا فصلت الشاحن يرجع طبيعي 🤷🏽‍♂️

استخدم هذا الشاحن

_

ثالث ملاحظة الواي فاي مقارنة بجهازي القديم اضعف بمراحل و هذي صورتين توضح الفرق مع ان الجهازين جنب بعض !

+S9

+S21

و اخيراً بخصوص الحافظة ، كيف اصور الشاشة بدون ماتروح الصور لها ؟ لأن ساعات اكون فاتح محادثة و اضغط لصق بالغلط و تنرسل الصورة ف كيف اقدر الغي ذا الشي .. 

مشكورين مقدماً و المعذرة على الإطاله .. 

[Skhaled88]

ممكن فيه عيوب مصنعية. رجعه للوكيل

[Mhnd707]

لا الجوال تمام بس هذي الملاحظات 😬

[homod]

مشكلة الكيبورد طبيعي وتقدر تعدل من الضبط -> الإدارة العامة-> ضبط لوحة مفاتيح سامسونج-> السحب واللمس والملاحظات وعدل على السرعة اللي ترتاح لها

[Mhnd707]

مطبقها بس برضو احس فيه شي غلط و بعد ما قارنت الكيبورد مع جهازي القديم اكتشفت ان العلة من حساسية الاهتزاز تعطيك شعور ان اللمس ثقيل مع اني مخليها ع اقل شي لكن احسها قوية برضو :)

[homod]

شيل خاصية الاهتزاز عند النقر حتى جهازي كنت احس بثقل في الانتقالات ويوم شلته ارتحت فيه

اما المشاكل الثانية ننتظر يحلوها مع التحديثات القادمة لان اغلب المشاكل اشوفها مع اللي حدثوا لاندرويد ١٢ 😓

اما بخصوص الحافظة ما يمديك تتحكم فيها وغالبا استخدم اختصار الحافظة من الكيبورد يطلع لي كل الملفات المنسوخة مؤقتا

[Mhnd707]

مشكلتي ما اقدر استغني عن الاهتزاز مع الكتابة لأنه هو اللي يأكد لي ان الحرف انضغط 😂 ، و نقول ان شاء الله تنحل المشاكل مع التحديثات الجاية .. يعطيك العافية يا غالي ولا يهونون باقي الشباب 🙏🏾🌹

[ŚóHãrdŤòßè]

إذا يمديك ترجعة وتاخذ
S20+
أفضل لك
ال 21 مشاكلة كثيرة
أفضل مانزل من سلسلة الإس هو ال 20 وهذا حسب ماأرى

انا أستخدم
S20-Ultra
ولله الحمد لم ارى فيه حتى الآن أي مشكلة

[homod]

ما انصحه الافضل ينتظر التحديثات
لان معالجات s20 هي اسوء معالجات سامسونج بحيث ان الجهاز يسخن في ابسط الاشياء وايضا يقل الاداء مع ازدياد الحرارة وفوقه البطارية بالكثير تجلس ٧ ساعات في الاستخدام العادي

[ŚóHãrdŤòßè]

لم ارى في الجهاز ماذكرت

الجهاز لايسخن معي والاداء كمعالج أكثر من رائع والشحن الواحد يكفي مايقارب طول اليوم مع إستخدامي
120 hz
وبرامج التواصل واليوتيوب والألعاب أحياناً وعند الإستخدام المكثف يستمر معي على الأقل ضعف ماذكرت
لكني مستمر على
Eye shield
Dark mode
لاأزيلهما أبداً
(لهذا قلت بمشاركتي أعلاه (حسب ماأرى