S21 ultra

[HmmH77]

انا اشتريت الموبايل من السعودية ورحت التوكيل هنا أنزل السوفت وير الخاص بمصر عشان استفيد من خاصية تسجيل المكالمات ، الموظف قالي حتي لو مسحت السوفت وير اللي موجود هو نفسه اللي هينزل بناء علي السيريال نمبر بتاع الجهاز 

الحل ايه 

[elameral]

تطبيقات تسجيل المكالمات كتير وممكن تختار منها الافضل لك
ولا داعى لسوفت وير جديد

[HmmH77]

زي ايه لأني
جربت ACR , Automatic call recorder
الاتنين مش كويسين

[iPro]

معظم التطبيقات المعروفه هتسجل صوتك انت بس من غير صوت الطرف الآخر طالما الخاصية مقفولة في السوفتوير

[elameral]

جرب ده

[Anonymous]

ممكن تعمل ضبط مصنع والشريحة المصري جواه بناء على كلام بعض الزملاء في المنتدى إن شاء الله خاصية التسجيل هترجع

[iPro]

انا اول مرة اسمع حاجة كدة بصراحه،
المفروض السوفتوير اللي في التوكيل بناءا على الدولة اللي انت متواجد فيها االي هي مصر مش السيريال !
بس المفروض اولا قبل السوفتوير
تجرب تعمل ضبط مصنع والشريحة المصري جوة الموبايل ويفضل استخدام بيانات الهاتف مش الواي فاي اثناء ضبط المصنع، المفروض بعدها خصائص السوفتوير المصري هتضاف بما فيها تسجيل المكالمات،
لو بقى حصل مشكلة معاك والخاصية منضافتش ابقى نزل سوفتوير
وممكن تنزله بنفسك مش لازم توكيل مع ان التوكيل المفروض هينزلك السوفتوير المصري عادي ممكن تجرب فرع تاني لو مش عايز تنزله بنفسك

[HmmH77]

جربت الفكرة علي سامسونج j prime
كنت شاريه من السعودية
نزل السوفت وير السعودي

[iPro]

ضبط المصنع دايما بيظبط ألا في حالات قليلة جدا ولما بيعملوا ضبط مصنع من تاني بيظبط معاهم،
بس الفكرة انك تعمل ضبط المصنع وتخلي بيانات ال mobile data
هي اللي شغالة وبلاش ال wifi
عشان دة بيأكد اكتر مكان تواجد الشريحة

[HmmH77]

هو قالي بالنص أنا هدخله علي الكمبيوتر وبالسريال نمبر هيجيب البلد اللي اشتريته منها وهينزل السوفت وير الخاص ببلد المنشأ أو الشراء ، ممكن يكون بكبر دماغه مع انه التوكيل الرسمي
معلش بعد اذنكم نقطة ضبط المصنع دي أكيدة ومجربة