S21 ultra andriod 12 مشاكل

[Ghazy87]

حاسس ان صوت الاسبيكرز في الفيديوهات و الموسيقي قل شويا و استهلاك البطارية سئ جدا بتخلص بسرعة

هل فيه طريقة ارجع للاندرويد 11

[HeshamNasr]

ايوا .. دي مشكله عامه و اتصلحت خلاص .. نزل تحديث جديد صلح موضوع ال ريفريش ريت .. و هيوصلنا كمان كام يوم

[Ghazy87]

طب سؤال بعد اذنك في
One ui 3.1
كان ينفعل نشغل
Battery saver with refresh rate 120 hz
هل الاوبشن ده ينفع هنا لاني جربته منفعش

[HeshamNasr]

انا مجربتش أشغل ال ١٢٠ مع وضع توفير الطاقه بصراحه .. بس من وجهة نظري .. طالما انت عايز تشغل وضع توفير الطاقة.. يبقا الأفضل انك تشغله مع ال ٦٠ . لان انا شايف ان انت طالما عايز توفر في البطاريه يبقا ملهاش لزمه انك تشغل ال ١٢٠ اصلا .. لان ال ١٢٠ لوحدها بتسحب طاقه كبيره .. يبقا ايه لزمة توفير الطاقه اصلا و ال ١٢٠ شغال ؟ .
دي وجهة نظري بصراحه . و هو ان اصلا ال ١٢٠ لوحدها هي سبب كبير في سحب البطاريه . فالموضوع مش راكب علي بعضه اصلا 🤣 ..
توفير طاقه مع ١٢٠ ؟؟!
مش هتوفر حاجه في الاخر

[Ghazy87]

معلش عملك ازعاج و تعبك معايا طب في وضع ال ١٢٠ هرتز حاليا البطارية بتقعد معاك اد ايه في وضعية
Screen On time
و هل فيه ابلكيشنز زي جوجل ماب و تويتر مبيدعموش ال ١٢٠ هرتز و بتحس بتقطيع عندي بيحصل كده
اعذرني علي الاطالة صدعتك

[HeshamNasr]

لا ولا يهمك مفيش حاجه
ايوا فعلا تويتر تحسه فيه لاج كدا . بس دا من التطبيق نفسه . و جوجل مابس عموما شغال ٦٠ بس اعتقد . لان هو مش محتاج اكتر من ٦٠ عشان كمان بيستهلك طاقه كبيره .. فوضع ال ١٢٠ اصلا اوتوماتيك بيعرف ايه اللي مش محتاج فيه ١٢٠ و بخليه ٦٠ عشان يوفر في الطاقه
و البطاريه عموما بتقعد سكرين اون حسب استخدامك و تكبيقاتك اللي انت منزلها .. و بتختلف من شخص للتاني . يعني انا بيقعد معايا حوالي ٦ او ٧ ساعات . بس دا بإستخدامي انا .

[Ghazy87]

شكرا لذوقك جدا جدا و عن الرد السريع بس ديه استفسارات كان نفسي اسال عليها و حضرتك شاكر بترد عليا علطول و بالذات موضوع البطارية
اعتقد استخدامك خفيف مش تقيل انا عن نفسي كل ٥ دقايق ماسك الموبايل تقريبا فبيقعد معايا ٥ ساعات فحسيت ان ممكن يكون عندي مشكلة و كان نفسي اسال هل ده طبيعي

[HeshamNasr]

العفو .. مفيش اي مشكله ان شاء الله في البطاريه . زي ما قلتلك بتفرق من شخص للتاني . بطاريتك تمام و زي الفل .

[Ghazy87]

👍👍👍

[HeshamNasr]

بالنسبه لموضوع الصوت اللي انت حاسس انه بقا واطي .. انا حسيت نفس الاحساس دا بردو في الاول .. و اكتشفت ان ال دولبي كان مقفول .. و انا كنت فاتحه علطول قبل كدا .. لو الدولبي عندك مقفول.. افتحه و هتشوف الفرق .

[Ghazy87]

شكرا للمساعدة والرد باستفاضة شكرا جدا