S 22 ultra سامسونج ضيعت حق الهاتف

[mohamed2El]

شركه أبل بالتحديد يوم 17/9 من كل عام وفي نفس التوقيت تقوم بإرسال التحديث لجميع هواتفها في نفس اليوم وهذا يدل انت منتجات أبل منتجات متوافقه مع النظام عكس سامسونج اللي لسه لحد نهادره مبعتتش التحديث لفئه s22 الرائده في الوقت اللي هواتف أقل منها في الامكانيات حصلت علي التحديث ودا بيدل ان شركه سامسونج بتستخف بعقول المستخدمين وبضيع حقوقنا كمستخدمين لهذه الهواتف الرائده

علشان كده انا قررت اعرض تلفوني s22ultra للبيع والخروج نهائيا وبلا رجعه من شركه سامسونج بعد تأخر عمليه التحديث واتباع الشركة لهذه السياسه القذرة في التعامل مع المستخدمين وتجاهلنا كعرب وانهم مخلين العرب اخر من يحصل علي التحديثات مع اننا كعرب احنا اللي منفعين الشركه 

[Moatsem]

التحديث اطلق بالفعل فى اوروبا كلها
المبداء انه نسخ الشرق الاوسط متأخره عن نسخ اوروبا لأكن انت كده كده هتاخد التحديث فى شهر ١٢

[mohamed2El]

دا مش مبرر حتي لو لاوربا قبل الشرق الاوسط ليه برضو
مفروض التحديثات توصل للهاتف في نفس الوقت وبعدين اي معني اوربا قبل الشرق الاوسط فينا حقوقنا كمستخدين للهواتف الرائده

[Moatsem]

بص دى سياستهم و غالبا سياسه هواتف اندرويد عموما مش بس سامسونج
لاكن شركه زى شركه آبل اصلا بتصنع فى السنه كلها بالعدد ٤ هواتف و سنه مثلا وسطهم تنزل نسخه اس اى فبالتالى هى شركه مش عليها ضغط تحديثات و كده لأن هى بتستهدف فئه معينه بس
ودا غير نقطه التمييز
ان ايفون بتنزل لكل موبايلاتها نفس نظام التشغيل بنفس مميزاته
يعنى هتمسك ال١٣ برو ماكس زى ما هتمسك ال١١ برو ماكس مش هتختلف فى النظام نفسه و المميزات الى بيقدمهالك فلما هينزل التحديث هو عارف انه هيمشى على اى موبابل فسهل بالنسبالها
عكس سامسونج الى بتقدم هواتف فلاجشيب و فلاجشيب كيلير و متوسطه و اقتصاديه
و كل واحد فيهم بواجهته و بمميزات معينه
يعنى مثلا فئه ال s مش زى فئه الA ولا زى فئه الM ولا زى فئه ال A core و هاكذا
و فى الs
الألترا مش زى الاس العادى
فى مميزات للألترا مش متوفره فى العادى زى الs pen
فأكيد هيعمل على انه يعمل لكل واحد فيهم تحديث خاص
و اكيد فى مميزات فى كل فئه الترا بتنزلها سامسونج مش موجوده فى الى قبلها فعلشان كده سامسونج بتنزل لكل واحد منهم تحديث خاص
ولما ايفون نزلت التحديث الجديد علطول لكل الناس فى وقت واحد فى هواتف كتيره اشتكت من السخونه و فى هواتف مشتغلتش اصلا بعد لما نزل التحديث الجديد انا واحد صاحبى حصله كده
بس راح و عمل سوفت للجهاز و الجهاز اشتغل
فالموضوع عموما بيتلخص فى ان سامسونج غير ايفون فى الحته دى بالذات لأن انت شوف ايفون بتنزل كام هاتف ليها فى السنه و شوف سامسونج بتنزل كام هاتف ليها فى السنه

[RamyELGammal]

تحياتي 👍

[Sara7990]

I hope it will be released soon

[mohamed2El]

I hope so

[RamyELGammal]

انا معاك في نقطه واحده وهي التفرقة

عادي انه ينزل لموديلات قبل اخرى دون التقييد بفئات وعادي انه يتأخر حتي يتم تجهيزه واختباره جيدآ لكن مش عادي انه دائمآ الشرق الاوسط اخر ناس
طبعآ هو مش هيقدر يرفع التحديث للكل في نفس الوقت وذلك للعدد الكبير لكن ممكن مره احنا الاول ومره هما الاول عشان جميع المستخدمين يبقوا متساويين
زائد موضوع ان التسجيل في النسخ البيتا لازم يتوفر عندنا زيهم بالضبط

[Moatsem]

هو فى الاول بينزل لهواتف السنادى كلها
زى ال اس ٢٣ الترا
و ال٢٣ العادى و البلس و ال
Fe
و بعدين بينزل لل
A54
و A34
و بعدين بقى بيشوف هواتف السنه الى بعدها بقى
برغم انه فى هواتف نازله السنادى مأخدتش تحديثات لسه على حد علمى بس هو بيشوفها انها عادى ممكن تاخدها فى اى وقت بعدين
دايما اى شركه بتصنع هواتف ليها بيكون تركيزها كله على هواتف الى هى لسه منزلاها الى هو زى انتو عيالى ولازم انتو اول ناس تاخد التحديثات و الاهتمام منى
اما بالنسبه ان اوروبا بتاخد التحديثات الاول و كمان نسخ البيتا فدا بسبب ان فى اوروبا مطورين كتير بيكتشفو ال
bugs
الى موجوده فى الهاتف و بيقولوها للشركه و دا فى نسخ البيتا و النسخه ال
Major
الاصليه
فبالتالى هى بتبعتلهم الاول
احنا فى الشرق الاوسط لسه موصلناش للمرحله بتاعه انه يكون فى مطورين بيكتشفو الاخطاء دى و الحاجات دى

[RamyELGammal]

فعلآ سليم ومنطقي موديلات نفس السنة الاول ثم ما يليها وده اللي حاصل بالفعل من سنين
لو اتبعنا وجهة نظرك يبقي كان المفروض ان اي سوفت جديد سواء بيتا او نسخة مستقره يتم تحربته في الهند اولآ لانها الاولي عالميآ في صناعة البرمحيات 😀

للاسف التفرقة ليست قائمة غير علي اسباب اقتصادية بحته وليست علي اساس مستوي فهم او عدد مطورين او مستوي ذكاء الشعوب