S 22 Ultra

[karamsayed]

السلام عليكم لو حد بيستخدم s22 ultra يفيدني في حوار البطارية لأنها بتخلص بسرعة جدا

[thestriker7680]

في عوامل كتيرة ممكن تكون سبب
بما أنه موبايل من كذا سنة فأنا أرجح ان المشكلة في البطارية ولكنك ممكن تجرب الحلول وشوفها لو هتنفع:

قلل سطوع الشاشة:

قلل سطوع الشاشة إلى مستوى مريح للعين، لأن الشاشة الساطعة بتستهلك طاقة كتير.

استخدم معدل التحديث التكيفي أو حتى قلل معدل التحديث ل ٦٠ هيرتز فقط

إيقاف تشغيل 5g:
في مصر لسه التقنية مش متوفرة ولما بتكون متوفرة في بعض المناطق بيكون الفرق مابينها ومابين ال 4g
قليل فالاحسن اقفل ال 5g

إدارة إشعارات التطبيقات:

قلل عدد الإشعارات أو عطل الإشعارات للتطبيقات غير الضرورية، لأن كل إشعار يستهلك جزء من طاقة البطارية.

حط التطبيقات في وضع النوم العميق:

حط التطبيقات اللي مش بتستخدمها بشكل متكرر في وضع النوم العميق، عشان تمنعها من استهلاك الطاقة في الخلفية.

استخدم وضع توفير الطاقة:

فعّل وضع توفير الطاقة في إعدادات البطارية عشان تطول عمر البطارية بشكل أكبر.

تحديث التطبيقات:

اتأكد من تحديث كل التطبيقات، لأن ممكن التحديثات يكون فيها تحسينات في كفاءة استهلاك الطاقة.

إعادة تشغيل الهاتف:

إعادة تشغيل الهاتف من وقت لآخر في ممكن يحسن أداء البطارية.

فحص التطبيقات:

استخدم أداة فحص البطارية في إعدادات الهاتف عشان تحدد التطبيقات التي بتستهلك أكبر قدر من الطاقة.

اتأكد من صحة البطارية:

في samsung members، انت ممكن تتأكد من صحة البطارية في قسم الدعم تحت وفحص عتاد الجهاز.

هل ده حصل قبل ولا بعد التحديث؟

[karamsayed]

انا جربت كل الحاجات دي
ان شاء الله هروح بيه مركز الصيانة عشان يكشفوا علي البطارية

[thestriker7680]

هل ده حصل بعد التحديث؟

[karamsayed]

زاد الضعف تقريبا بعد التحديث

[thestriker7680]

تمام
روح الصيانة وشوف لو فعلا المشكلة في البطارية

[karamsayed]

تمام