Orange VoLTE فى الإسكندرية

[Artist8]

فى حد هنا شغال معه VoLTE  على Orange  فى أسكندرية ؟؟

و لو كده شغال فى منطقة أيه ؟؟

[AAJOO]

ممكن اعرف يعنى إيه الكلمة دى علشان انا ظاهر عندى ف الجهاز للخطين ومش فاهمة وظيفتهم إيه ؟؟

[Artist8]

هى إختصار ل Voice over LTE 

حضرتك لما بتستخدم الموبايل على ال 4G، للأسف .. لأن إحنا هنا فى مصر متأخرين جدا فى الموضوع ده 

ال 4G بيكون بالنسبة لك شبكة لنقل البيانات بش،  و لما بتعمل مكالمة أو بتبعت رسالة SMS الجهاز بيبدل لل 3G أو 2G حسب التغطية ، عشان تعمل المكالمة أو تبعت الرسالة

ال VoLTE هى إستخدام شبكة ال 4G للإتصال ، فلما تعمل مكالمة الجهاز مش محتاج يبدل الشبكات ، فبيكون النتيجة :

* إمكانية إستخدام الإنترنت على ال 4G أثنتء المكالمة لأن المكالمة هى كمان على ال 4G

*لأن ال 4G أسرع من ال 3G و 2G فبيكون الإتصال نفسه أسرع برضه

*جودة الصوت فى المكالمة بتبقى أوضح و أفضل بشكل عام

طبعا الكلام ده معمول به فل بلاد تانية من 2016 تقريبا ، بس إحنا لغاية دلوقتي " آه و الله لسه كنت بكلم خدمة عملاء Orange إمبارح " الموظفين فى شركات المحمول مش عارفين يعنى أيه ، و فى إلى مسمعش عنها خالص قبل كده 

هى عموما معمول بها فى مصر من حوالى ٣ سنين على شبكة فودافون و إتصالات ..

و Orange و " الحمد لله " لسه مكتشفاها فى ال ٨ شهور إلى فاتو ، و لسه بتتفعل عندهم على موديلا ت محدودة جدا من الأجهزة بإستثناء ال iPhone 

أنت بقى جهازك أيه ؟؟ و هل فيهم خط Orange  ؟؟

[AAJOO]

شكراً جداً للإيضاح ،، أنا موبايلى M31 والإختصار بيظهر عندى للخطين اورانح وفودافون ..

[Artist8]

👍 شكرا ليكى

[Artist8]

سؤال ، بعد إذنك ... هة حضرتك من أسكندرية ؟

[AAJOO]

أيوة الإسكندرية

[Artist8]

بيبقى شغال معاكى فى مناطق أيه بقى ؟

[AAJOO]

محرم بك وبحرى وكرموز وأبوقير كل الأماكن دى بتظهر ف موبايلى عادى

[Artist8]

تمام شكرا

طب معلش ، سؤال غلس كمان ...

أنت نظام إشتراكك أيه ؟