One UI 7 Bugs - مشاكل التحديث الجديد

[ahmed_abdelaal]

مع وصول تحديث One UI 7 لهاتف S24 Ultra والاستخدام لمده يومين 

ظهرت ٣ مشاكل متعلقه بشكل رئيسي بالسوفت وير 

١- المشكله عند قفل الشاشه Lock Screen 

وانت بتقفل الشاشه هتلاحظ ان في بطئ في استجابه التليفون اثناء قفل الشاشة 

المشكله بتتحل لما تعدل Resolution الشاشه من FHD+ الي QHD 

٢- مشكله توقف خدمه Wifi Calling بالرغم من تفعيلها على الهاتف وتفعيلها من شركات المزوده لخدمه الاتصالات

فودافون مصر وقفت تماما 

اتصالات بتشتغل وتفصل ولو بتعتمد عليها فالاتصال هتلاقي المكالمه بتفضل بسبب ان الخدمه غير مستقره من السوفت وير

٣- الشحن اصبح بطئ، انا مشتري شاحن كامل " راس الشاحن + الكابل " الاصلي من الوكيل بقدرة شحن ٤٥ وات 

الفعلي اللي بيدخل للتليفون ٣٤ وات فقط وبيقل ل ٤ وات عند وصول البطاريه اعلى من ٩٠٪ 

نتمنى من سامسونج حل المشكله 

لان اغرب شئ قابلته اني لما بعت Feedback للمشاكل لقيتها بتوصل لسامسونج مصر وخدمه العملاء هنا بترد عليا 

المفروض تروح لتيم Software Development المسئول عن السوفت وير في الشركة الام ولكن ده مبيحصلش واللي يعتبر عدم احترام لعميل سامسونج من وجهه نظري

[Monny11]

إعمل إعادة ضبط المصنع

[ahmed_abdelaal]

عملت كده ومازالت المشاكل دي موجوده
والمشاكل دي شكوى عامه حتى على جروبات سامسونج على الفيس بوك

[cgxv]

بص انت عندك كان في نسختين لتحديث اندرويد 15 اول نسخه واللي كان اخرها بي واي جي سي تمام النسخه دي كانت مليانه مشاكل زي اللي انت بتقول عليا كده ان الكاس نزلت بقى نسخه ثانيه كان الكلام ده يوم 23 ابريل النسخه دي كان اخرها بي واي دي نايت ودي كانت اخر نسخه يعني مستقره نازله ما كانش فيها المشاكل دي والناس جربت وقال لك كان في نسختين

[ahmed_abdelaal]

التجربه على النسخه
S928BXXU4BYD9

[ELMoksha]

ده اخر نسخه وي المستقره كدا هيوقفو التحديث احا يا سامسونج 🙂🙂

[cgxv]

تمام بص انت عندك بقى كده حلين اول حاجه اتحدث نظام جوجل بلاي لاخر اصدار نازل له بعد كده هتنزل تطبيق خدمات مشغل شبكه الجوال التطبيق ده بيظبط عندك الشبكه شويه وعلى ما الدنيا تتحل وكده كده اصلا

[cgxv]

سامسونج المفترض بيها ان هي هتنزل تحديث تاني ان شاء الله يعني شويه كده وهتلاقي تحديث ثاني جاهز ممكن اسبوعين ثلاثه اسابيع وتلاقي تحديث ثاني نازل عشان يظبط الدنيا دي يعني

[غMARKATALMHRZYع]

👏

[cgxv]

وكده كده اصلا التطبيق ده ما بيتفتحش يعني انت اهو بس بيظبط لك الشبكه برانا على الدنيا اللي عندك فاهمني انا مجربه وحرفان الدنيا بيظبطها قوي بصراحه