لو مش مضايقاك فى الإستخدام ، ممكن تستنى شوية .. بالنسبة لموضوع الحفاظ على البطارية، حاول بس إنك متفضيهاش و تشحنها كتير ، ضيف على كده أن الحاجات إلى بتسخن الجهاز زى الشحن السريع و الألعاب بتجهز البطارية و بتقلل من عمرها .. غير كده أستخدم الجهاز عادى، مش لازم تقفل خدمات الموقع و مزامنة البيانات، و تشغل الوضع الليلى و وضع توفير الطاقة طول الوقت .... أمال أنت جايب الجهاز ليه ؟!!
خلاص ، لو مش بتعمل حاجة تسخن الجهاز يبقى تمام ... كده كده أنت مفيش بإيدك حاجات كتير تعملها عشان تحافظ على البطارية ، و فكرة أنك تفعل توفير الطاقة طول بوقت دى بصراحة فى رأيى غير منطقية بالمرة ، أنت جيب الجهاز عشان تستخدمه مش عشان تتفرج عليه و تبقى عارف مواصفاته و خلاص .. أنت بس متسيبش واى فاى مفتوح و أنت أساسا بعيد عن ألوان فاى. ، فى الشارع يعنى مثلا ، نفس الكلام للبلوتوث إلا إذا كنت بتستخدم سماعات ولا حاجة... و تجنب أنك تسيب مستوى البطارية ينزل تحت ال ٢٠ % على أد ما تقدر و مستخدمش الشحن السريع إلا وقت الضرورة ، متشحنش شحنات قصيرة عند المستويات المنخفضة ، يعنى ميبقاش الشحن ٥ % و تشحنه أنت لغاية ٣٠ % ، تكرار الموضوع من إلى شوفته ممكن يخلى البطارية تتنفخ فى خلال شهور
أعتقد آه ...، أنا شوفت إستهلاك مشابه فى مدة أقل من كده ( ١٥ شهر بالظبط ) .. فأعتقد ده عادى بس السؤال هو أنت على طول بتشحن شحنات قصيرة كده ، بناءا على الصورة ؟
انا بستخدم برنامج Accubattery من فترة كبيرة ، واحب اقولك انه غير دقيق ، اللي هيفرق معاك بس استخدام الشاحن والكابل الاصلي ولو عملت فورمات في يوم ورجعت نزلت البرنامج من جديد هتلاقي القيمه اختلفت ، فماتشغلش بالك بيه اهم حاجه البطاريه عندك مش بتفضي بسرعه او بتهرب شحن
