Android 12 For Samsung Galaxy S20+ 5G KSA

[Anonymous]

محدش ملاحظ ان شركة سامسونج بقت شركة تعبانة علشان مش بتبعت التحديثات علي مستوى العالم في نفس الوقت وأصبح في تفريق حسب الدولة أو البلد اللي مشتري منها جهازك فأنت لو مشتري الجهاز من دولة متقدمة أو اوربية هتوصلك جميع التحديثات بدري عن الدولة النامية أو الدول العربية يعني بقي في تمييز حتي في تحديثات الأجهزة 🤬

[ahmed9182]

فعلا فيه سخافه ولا مبالاة فى التعامل مع المستخدمين وياسلام لو جهازك مش فئة عليا دا حتى مجرد توضيح مقنع عن سبب تأخر تحديث للأسف مش موجود

[Anonymous]

مش شرط تكون شارى من دولة متقدمه
ممكن تكون شارى من مصر بس منزل السوفت او الروم بتاع دولة تانيه انت تختارها ينزلك التحديثات وقت نزولها عندهم
بس مش هتعرف ترجع تاني للروم المصرى

[محمدA73]

هوا انت مفكر لما بتنزل روم للجهاز بينزله تحديثات تاني للاسف الجهاز بيسقط من على الشركه ومعدتش تبعتله تحديثات

[Anonymous]

جبت الكلام ده منين ؟؟
انا بقالي اكتر من سنتين علي رومات تانيه مختلفه عن مصر وبينزلي التحديثات الهوائية في وقت نزولها لبلد الروم اللي منزله
المهم تكون طريقة تنزيل الروم صح

[Anonymous]

شوف السكرين ده
تليفون ام ٣١ نازله هوائى تحديث امان شهر ١٢ بتاريخ ٢٥ ديسمبر اللي فات
والروم المصرى لو شفته علي سام او سألت الزملاء هنا هتلاقيه علي تحديث امان شهر ٩
السكرين ده للروم الاندونيسي

[محمدA73]

انا بتكلم على تحديث النظام اندرويد ١١ اندرويد ١٢ التحديثات دي ولو اشتريت جهاز من برا وانجليزي وعربته هنا هيفضل على الاندوريد الخام بتاعه ومعدش هينزله اي تحديثات

[Anonymous]

انت كده بتتكلم عن تنزيل للتلبفون نسخة اندرويد ملعوب فيها او مجهولة المصدر
وده مش مجال كلامنا في الاساس
مفيش دلوقتي نسخة اندرويد رسمية في اي بلد في العالم مفيهاش اللغة العربيه كالغة رئيسية في لغات التليفون
انا عن نفسي لقيت العربي في نسخة الاندرويد الرسمية للهند فيتتام اندونيسيا وماليزيا

[يوسف21]

كلام صح والله

[adel61]

كلامك كله مظبوط بدليل وصول التحديث لهاتفى الاس 20 plus
لأن المحمول جاى من ألمانيا ولم يصل مصر حتى الان