Original topic:

يا ريت شركة سامسونج تكون على علم باللي بيحصل

(Topic created on: 04-25-2023 01:12 AM)
251 Views
زيـــزو
Active Level 3
Options
جالاكسى S
شركة سناب دراجون نزلت اقوى معالج فئة متوسطةSnapdragon 7 plus Gen 2

والمعالج دا حرفيا رهيب وبيقدم اداء فوق الممتاز حتى بالرغم انه فئة متوسطة بيقدم اداء افضل من معالجات فئة رائدة زي Sd 8 Gen 1 اللي في جلاكسي اس٢٢ الترا 

وشركة شاومي اطلقتXiaomi Redmi Note 12 Turbo بالمعالج الجبار دا

وشركة اوبو اطلقتOppo Realme GT Neo 5 SE بنفس المعالج 

وباقي الشركات بتخطط لكدا وفي شركات كتير هتطلق تليفونتها المتوسطة بالمعالج دا ودي حاجة كويسة جدا جدا يعني تخيل تكون ماسك تليفون ب 15 الف جنيه بيقدم اداء مقارب لتليفون ب 40 الف جنيه 

البوست دا مش لكدا ولا علشان اعرفك ان المعالجات بتتطور جدا مع الوقت والتليفونات بتتطور وبتبقا قيمة عظيمة مقابل سعر 

انا عامل البوست دا لان بجد بجد نفسي من كل قلبي سامسونج تعمل تليفون بالمعالج دا والاداء الجبار دا ويكون فئة متوسطة بدلا من اكسينوس 1380 اللي في السامسونج A54 5g اللي ادائه يعتبر نص اداء Snapdragon 7 plus Gen 2 يعني يا ريت لو سامسونج تنزل A74 5g بالمعالج دا 

او ترجع سلسلة المعجبين مرة تانية لانها تعتبر هواتف قوية جدا بمميزات رائدة وسعر منخفض بالمقارنة لبقية الهواتف الرائدة

يعني يا ريت لو سامسونج تنزلSamsung Galaxy S23 FE 5g ويكون بيجمع قوة واداء وصلابة وشاشة مثاليه كعادة هواتف سامسونج


وفي نهابة البوست يا ريت كل اللي متفق معايا او مع وجهة نظري يحط لايك ونوصل البوست دا لدعم الشركة ونتمنى ان يدرسو الموضوع

0 Comments