ولا ممكن يكون السبب إن جوجل هو اللى بيشغلة لان لو جت مسحت رسالة بيقولي مفيش إمكانية الاسترجاع ليها برغم إن معايه نوت ١٠ لايت وبيدنى الإمكانية إن ارجع رسالة لو اتمسحت مش بتتمسح بشكل دائما
أنا مش عارفه أوضح أنا قصدي ايه بس مضايقنى إن كل ما انزل برنامج او حتى تطبيقات الهاتف زى برنامج الرسائل او وبعض البرامج كله اول ما انزله بعدها بشويه القيه بيجبرنى اسجل دخول باى حساب جوجل ياعم معرفش استخدم التطبيق ده ايه ده
في الموبايلات القديمة بيستخدموا برنامج رسايل بتاع سامسونج واللي بيوفر الميزة دي اما في الأجهزة الجديدة بقوا بيستخدموا بتاع جوجل واللي مش عنده الميزة دي
ليه كده بجد بيطوروا للاوحش ولا ايه طب حضرتك متأكد إن مش ممكن يكون السبب إن وافقت وأنا بفتح حساب جوجل يعني ادته إذونات إنه يبقا له صلاحيه ولوج على برنامج الرسائل والاتصالات والصور والكاميرا والخ الخ
ف كنت بفكر اعمل إعادة ضبط له تاني يمكن يبطل يخلى جوجل بيتحكم فى كل حاجة 🫠
يعنى كمان الفون مش سريع ولا حاجة وعادى جدا وبيعمل تهنيج مابين الانتقال من تطبيق للتاني و ساعات اما فاتحه تطبيق وأخرج افتح غيره موجود فى الخلفيه القيه بيرجعنى للاولنى
انا بستخدم البرنامج ده كمان ومش عندي الميزة دي اما بالنسبة للأذونات فملوش علاقة لأن سامسونج بدأت تعتمد على بعض برامج جوجل بدل من برامجها هي أما بالنسبة للي بتتكلمي عنه في الأداء فده غريب ممكن تجربي فعلا انك تفرمتي الجهاز ومش محتاجة انك تدي لجوجل أي صلاحيات الا إذا ميزة حضرتك بتستخدميها ومش هتشتغل الا بالصلاحية دي غير كده متديش لجوجل حاجة
