انت دايمآ بتسأل علي اورنج بس اللي شاكك فيه صح يا تنتظر لغاية ما يجي دورك يا تزود صرفك قدر المستطاع شهرين ثلاثه الاولوية للخطوط الاعلي صرف
والكلام اللي بتقوله اورنح بتاع هواتف بعينها ده غلط تمامآ لمجرد يسكتوا العملاء اورنج بداءت او دخلت الفولت متأخر عن فودافون واتصالات حوالي سنة او اقل قليلآ ولازم يمروا بنفس المراحل بتاعت الشركات اللي سبقتهم بمعني انا عندي خطين فودافون واورنج والهاتق يدعم فولت للشريحتين ظهر الاول التوجل لفودافون وبعد ظهوره بفترة ٦ شهور مثلآ اشتغلت الخدمة بالعراك والشكاوي لهيئة تنظيم الاتصالات حاليآ يدوب من شهر ظهر توجل اورنج وظهرت الاضافات اللي هتسمح بتشغيل الخدمة في Access Point names
على حد علمى أنها شغالة على إتصالات و فودافون من ٣ سنين تقريبا ...
أورانج بدأت تشغلها من كم شهر فاتو بس
و معك حق ، بالنسبة للأجهزة المدعومة من أورانج ، أنا فعلا قابلت ناس ، و جالى تعليقات هنا من ناس أنها شغالة معهم على خطوط أورانج على أجهزة مش موجودة فى قائمة أورانج خالص ، و بالرغم من كده ، حتى لما بقول الكلام ده لموظف خدمة العملاء بيصر إن الخدمة شغالة على الأجهزة إلى هما بيقولو عليها بس ..
و أنا فكرت بنفس المنطق بتاعك فى موضوع تكلفة الباقة و ده إلى خلانى أسأل السؤال ده ..
أنا لاحظت مثلا ، كد أعرفه معه خطين فودافون فى جهاز واحد ، و الجهاز بيدعمها للشريحتين، و شغالة معه على الخط إلى بيستخدم بشكل أساسى ، فليكس ٧٠ و باقة أنترنت و فودافون كاش ،فى حين أنها مشتغلتش على الخط التانى ، و عليه باقة مكالمات بس وصغيرة ..
حد تانى كان معه خط إتصالات ، مميز بلاتيني أو بلاتيني بلاس من حوالى سنتين ، شغالة معه من أول ما أشتراه تقريبا ، فى حين إن حد تانى معه خط إتصالات أقدم من كده بكذا سنة ، و الخدمة أشتغلت عنده من كن شهر فاتو ، و على باقة دماغ تانية ب ٥٠ جنيه ..
فأنا فكرت بنفس الطريقة إلى بتفكر بيها أنت كمان ...
و واضح كمان أن بتكون الأولوية لباقة المكالمات الأكبر مش باقة النت الأكبر ، لأم الخدمة أساسا للمكالمات، ف إحتمال أن فكرتهم تكون إنك مش محتاجها طالما باقة المكالمات عندك صغيرة لأن كلامك فى التليفون قليل ، أو إنك بتعتمد أكتر على النت فى المكالمات
ايوه كلامنا متطابق انا ممكن ملخبط في التوقيتات بتاعت كام سنة
طبعآ كلامهم كذب لان الخدمة بتشتغل علي الخط مش الهاتف الهاتف دوره يا يدعم الخدمة اللي علي الخط او لا يدعم ليس اكتر يعني لو اشتغل معاك دلوقتي وحيت غيرت الهاتف الخدمة تروح وتقعد تستتي تاني طبعآ غير منطقي دي تعليمات من الادارة لموظغي خدمة العملاء بيقولوها للناس الحل انك تنتظر شوية لما الفولت ياخد وضعه في الشركة وبعدين تعلي صرفك انا عن نفسي عملت كده في فودافون وفلحت
لا بس عاوز أقولك أنى فعلا جربت مرة شريحة إتصالات شغال عليها الخدمة و مأشتغلتش عندى ، بعدها بفترة جربتها تانى أشتغلت ، فلازم الشركة تدعم الجهاز كمان ...
