مهم

[sleemmostafa]

ممكن نصايح للمحافظة علي بطاريه s25 ultra 

[A_m_d]

اشحن بشاحن سامسونج اصلي او شاحن انكر
وصله اصليه
استخدم دوره شحن كامله لاتزيد عن 80٪

[sleemmostafa]

هل ف الفون اقدر احددها ميشحنش اكتر من 80

[AlSheikhFaresKilanid]

افتح الضبط ثم البطارية ثم حماية البطارية ثم اختر الحد الاقصى

[A_m_d]

هتلاقي خاصيه لما تسحب قايمه لتحت اسما Buttery protcation

[複ᴀʜᴍᴇᴅ]

متشحنش لحد 100% طول الوقت، خلّيك بين 20% و80% عشان تطوّل عمرها.

الشاحن الأصلي وبس، أي حاجة تانية ممكن تبوّظها على المدى الطويل.

قلل السطوع شوية، الشاشة دي أكتر حاجة بتاكل البطارية.

قفّل الـ 5G لما مش محتاجه، بيسحب شحن أكتر من 4G.

وضع توفير الطاقة، استخدمه لما تكون البطارية قربت تخلص.

التطبيقات اللي في الخلفية؟ اقفلها، في تطبيقات بتفضل تشتغل وتستهلك البطارية من غير ما تاخد بالك.

التحديثات مهمة، سامسونج بتنزّل تحسينات للبطارية مع كل تحديث، فحدّث باستمرار.

الفيسبوك وإنستجرام لو معملهمش **تقييد في الخلفية** هياكلوا بطاريتك وأنت نايم .

البلوتوث والواي فاي والموقع
لو مش محتاجهم أقفلهم.

لا تخلّيه ينام على الشاحن (حتى لو فيه حماية، البطارية بتتأثر مع الوقت.

لو بتستخدمه في الجو الحار (زي مصر الصيف)، خليه في الظل، الحرارة العدو رقم ١ للبطارية!

كل شهرين سيب البطارية توصل لـ 10% ثم شحنها لـ 100% مرة واحدة(دي بتساعد في معايرة البطارية).

[sleemmostafa]

تسلم لزوقك🙏