من سئ لأسوأ

[mohamedJounis]

اكتر حاجه غلط عملتها في حياتي اني اشتريت تليفون سامسونج s20 plus والله شركه كل حاجه فيها سيئه ماعدا الماركتينج بعد سنه وشهر التليفون مبقاش يشتغل شحن سريع روحت بيه توكيل سامسونج قالي التليفون جاي من بره مش هينفع يتصلح هنا بالصدفه بعدها بشهرين روحت توكيل تاني في بلد تانيه قالي لأ عادي يتصلح بس للأسف كان عندي شغل علي التليفون ومقدرتش اصلحه الجميل بقي ان الشاشه ظهر فيها خط بطول الشاشه وقاسمها نصين انهارده من غير اي سبب خامات رديئه وسعر غالي وصيانه صفر حرفيا انا عمري ما ارشح الشركه دي لأي حد اعرفه من اللي جربته معاكم 

شكرا سامسونج 

[Fayroza]

حسبنا الله ونعم الوكيل

[جنهالرحمان]

فعلا استخدام بطي

[Tekoo10]

بعيدا عن اني متفق مع حضرتك. بس الاجهزه اللي بتيجي بسعر اقل من نسخ الشرق الاوسط وبتتباع هنا. المفروض البائع يفهم الناس ان مفيش صيانه ليها. غير لو وديتها بلدها. او يتكفل هوه بصيانتها ليك.
ف العيب على اللي باع لحضرتك اولا. وثانيا سامسونج اللي محبكاها برضه.

[mohamedJounis]

حضرتك بتقول عشان ارخص من مصر اتكفل بصيانتها ماهو ده فعلا اللي انا بتمناه في توكيل قال مش هينفع وبعدها بشهرين في بلد تانيه قال هينفع في حد مبيفهمش او انا اللي مبفهمش اني وثقت في شركه زي سامسونج

[Tekoo10]

المسأله مش مسأله اغلى او ارخص. الفكره في الفرق بين النسخه المحليه والدوليه. الميزه في النسخه الدوليه انها ارخص بس انت و حظك بقى بعد فترة ضمان المحل اللي بيوفرها لك. النسخه المحليه او الشرق الاوسط بتبقى اغلى ومعاها ضمانها الطبيعي.
هل ده وضع طبيعي... لأ طبعا. بس ده الواقع. عشان كده كنت بقول لحضرتك دي غلطة اللي باع لحضرتك مش انت.
الحل حاجه من اتنين يا ترجع للبائع على امل يكون عنده حد بيعمل صيانه. او لو في امكانيه تتواصل مع فرع سامسونج اللي جه منه الجهاز.
وربنا ييسر لحضرتك ان شاء الله.

[Zyad_El-Nagar]

تليفون حضرتك نوعه ايه

[mohamedJounis]

Samsung s20+

[alimaher2]

بالذات A30 اللى مش بيحدث واجهة one ui 5