انا مش فاهم هو ليه دايما سامسونج تقعد تعمل في تليفونات وإمكانيات حلوة ويكون سعرها اوفر وبعد ما نشتري الإهتمام يقل ليه يعني أنا جهازي إس ٨ على طول بتوصله تحديثات الأمان متأخرة ولما بتوصل ياريت بيكون فيها تعديلات عليها القيمة وكمان لما وصل تحديث أندرويد باي وصله بدري لا وصله متأخر بعد ما اجهزة كتيرة وصلها التحديث
نفسي أعرف حاجة هو ليه الإهتمام بيتصب بس على تحديث الأجهزة الكبيرة والجديدة زي فئة النوت وفئة الإس الجديد منها إس ١٠ أول مانزل تحديث أمني ورا تحديث أمني وبسرعة والأجهزة القديمة راكننها على الرف لا وكمان يشيلوا في تحديث النظام ميزات مهمة ويخلوها في اجهزة تانية على حسب فئة الجهاز والبلد الموجودة فيها الجهاز زي مثلا ميزة كولر آي دي آند سبام بروتكشن متشالة في تحديث جهازي وموجودة في أجهزة تانية أعلى ومش في مصر الجهاز مثلا يعني خلاص عدى عليه سنتين قدم ومالوش قيمة ومصر خلاص يعني مينفعش ينزلها تحديثات محترمة ولا وكمان حرموا الجهاز من تحديث أندرويد ١٠ ( كيو ) مع إن عتاد الجهاز يشغله وكل ده عشان تغير جهاز وتجيب جهاز أعلى طيب وإللي ممعاهوش يعمل إيه المشكلة إن فئة كبيرة بتستخدم أجهزة سامسونج عشان هي كويس فزي ما بنحترمكم احترمونا وقدرونا
ملحوظة تحديث الأمان لشهر أغسطس لحد دلوقتي مجاليش على جهازي الإس ٨
