مشكله في شاشه s 22 ultra

[sallam45]

عندي Samsung Galaxy S22 Ultra، أثناء اللعب الشاشة بدأت الإضاءة فيها تتغير وتعلى وتقل، وبعدها الجهاز فصل واشتغل تاني لوحده. بعد التشغيل ظهر مربع أعلى يمين الشاشة، وفيه بهتان وإضاءة زائدة ناحية اليمين مع خطوط رفيعة في أماكن مختلفة، وكمان الألوان بقت غير طبيعية.

جربت أغير معدل التحديث من 120Hz إلى 60Hz، والمشكلة خفت نسبيًا لكن الألوان مازالت غير مضبوطة. أرجو منكم توضيح المشكلةدي لاني لقيت ناس كتير بتتكلم عنها وفيه دول سامسونج بتغيير الشاشه مجانا لان دي مشكله مشهوره في s22 ولو فيه فرع في اسكندريه يقوم بحل المشكله اكون ممتن ليكم لاني مش مرتاح من الالوان و خايف المشكله دي تكبر في الشاشه 

[SamsungModerator4]

مساء الخير يا فندم مع حضرتك اية من سامسونج مصر
بنشكرك جدا على طرح سؤالك وبنتمنى لحضرتك يوم سعيد
فى البدايه بعتذرلك جدا عن المشكله اللى بتواجه حضرتك
 أستأذن حضرتك فى اتباع الخطوات الأتيه :
1. استاذنك ادخال الكود التالي *#0*#
2. واختار اي لون من الالوان الظاهره Red & green & blue
3. فى حاله ظهور الالوان بصوره طبيعيه يبقى الجهاز يعمل بشكل طبيعى
4. فى حاله عدم ظهور الالوان بصوره طبيعيه يرجى عمل اعاده ظبط مصنع للجهاز من خلال الخطوات الاتيه :
- الضبط 
-الاداره العامه 
- اعاده الضبط 
-اعاده تعييين بيانات المصنع 
-اعاده الضبط 
-مسح الكل 
واستأذن حضرتك 
قبل البدء في هذه الخطوة, يرجى نسخ بيانات الهاتف.ويمكن تحزينها من خلال الرابط التالي الخاص ببرنامج
 Samsung smart switch
http://www.samsung.com/eg/support/smartswitch/
فى حاله وجود نفس المشكله أستأذن حضرتك فى التوجه لاقرب مركز صيانه للتمكن من فحص الجهاز ومعرفه المشكله وحلها
وتقدر تتعرف على أقرب مركز صيانه من خلال  الرابط الاتي:
http://www.samsung.com/eg/support/servicelocation

استاذن حضرتك تفعيل وضع الصيانة قبل ادخال الجهاز مركز الصيانة

  لحماية بيانات حضرتك الشخصية
وضع الصيانة وظيفته ان حماية خصوصيتك أثناء استخدام شخص آخر هاتفك، كما يحدث عندما ترسله لإصلاحه. 
الميزة ده بتمنع الوصول للبيانات الشخصية علي الجهاز ففي وضع الصيانة، يتعذر الوصول إلى بياناتك الشخصية، التي تشمل الصور والرسائل والحسابات، وتتوفر فقط التطبيقات المثبتة مسبقًا.
تفعيل وضع الصيانة كالتالي : 
اولا ستحتاج إلى إلغاء قفل هاتفك لإيقاف تشغيل وضع الصيانة. 
 ثانيا الدخول للاعدادات > العناية بالجهاز > وضع الصيانة > تفعيل

نتمنى حل المشكله عند حضرتك فى أقرب وقت ممكن
ولو عندك أى استفسار أخر
هتلاقينا تحت أمر حضرتك وفى خدمتك فى أى وقت
شكرا لحضرتك ولوقتك

[حسام٨٠]

السلام عليكم
معايا سامسونج ٢٢ اس الترا فجأه بدء يفصل ويشتغل لوحد بأستمرار ومش بيوصل للفتح كامل خالص