لو قصدك علي اشكال استعراض الإشعارات العائمة ( Floating Notification ) سواء pop-up view او bubbles فهي بتشتغل علي برامج كتير و لكن اعتقد ماسنجر فيسبوك معتمد علي طريقة ثابتة لعرض المحادثات و هي الـ bubbles ( دائرة متحركة علي مساحة الشاشة ) و بالتالي ممكن التطبيق لا يقبل طريقة عرض مختلفة بسبب برمجة التطبيق
ولا سؤالك عن smart view تقنية من سامسونج لربط الموبايل بالتليفزيون و عرض شاشة الموبايل عليه المفترض ان كل ما يتم عرضه علي شاشة الموبايل ينقل علي التلفزيون كما هو بدون مشاكل من تطبيقات خارجية
سؤالي عن عرض الرساله في الماسنجر. ممكن لو حد بعت رساله من غير ما افتحها كنت ااقدر اشوف المحتوي وارد كمان لو شديت الشاشه من فوق وده كان بيحصل فعلا. فجأه توقفت الخدمه ديه وفي الواتس اب شغاله عادي. مع العلم معايا نفس التليفون وشغاله عليه عادي
هقولك علي بعض الحلول و إن شاء الله حاجه فيهم ممكن تساعدك
- تأكد انك تستخدم حساب واحد فقط علي الجهاز و نفس الحساب مستخدم علي تطبيق فيسبوك و كذلك ماسنجر فيسبوك - تأكد ان الموبايل محدث لأخر إصدار و انك بتستخدم اخر تحديث لتطبيقات فيسبوك و خصوصا ماسنجر - راجع صلاحيات التطبيق و تأكد في الإعدادات ان مسموح له إظهار الإشعارات كاملة - اتأكد انك مش مشغل وضعية Do Not Disturb لانها ممكن توقف استقبال بعض انواع الإشعارات لعدم الإزعاج - لو المشكلة مستمرة جرب تقفل وضعية حفظ الطاقة لانها احيانا ( مش دائما ) بتوقف عمل بعض التطبيقات في الخلفية لحفظ الطاقة - لو لسه جرب تعمل مسح للكاش و الداتا للتطبيق من داخل الإعدادات - لو المشكلة مستمرة جرب تخرج حساب فيسبوك من كل الأجهزة و تمسح التطبيق تماما و اعمل إعادة تشغيل للجهاز و بعدها حمله من جديد و سجل دخول من جديد و جرب - اكثر من كده هتحتاج تتواصل مع دعم فيسبوك لان المشكلة هتكون أكيد من التطبيق نفسه و الحل في تحديث منهم
